တနင်္သာရီမြစ်ရေ ပြန်လည်ကျဆင်းသွားသဖြင့် ရေဝင်ရောက်ခဲ့သည့် နေရာများနှင့် စာသင်ကျောင်းများ၌ သန့်ရှင်းရေးလုပ်ငန်းများ ဆောင်ရွက်

တနင်္သာရီ အောက်တိုဘာ ၆

တနင်္သာရီတိုင်းဒေသကြီး မြိတ်ခရိုင် တနင်္သာရီမြို့နယ်၌ တနင်္သာရီမြစ်ရေ မြင့်တက်စဉ် ရေဝင်ရောက်ခဲ့သည့် ချောင်းကြီးရပ်ကွက်၊ ရှင်မအောင်သာလမ်း၊ ကျန်းမာရေးလမ်းနှင့် အထက-တနင်္သာရီစာသင်ကျောင်းတို့၌ မြစ်ရေပြန်လည်ကျဆင်းသွားသဖြင့် တင်ကျန်ရစ်သော နုန်းမြေများနှင့် အမှိုက်များ ရှင်းလင်းခြင်း၊ စုပေါင်းသန့်ရှင်းရေးလုပ်ငန်းများကို အောက်တိုဘာ ၅ရက်  နံနက်ပိုင်းက ဆောင်ရွက်သည်။

အဆိုပါ သန့်ရှင်းရေးလုပ်ငန်းများကို ပြန်လည်ထူထောင်ရေးနှင့် ပြန်လည်တည်ဆောက်ရေးလုပ်ငန်းကော်မတီမှ ဦးဆောင်၍ နယ်မြေခံတပ်မတော်သားများ၊ ‌ မြို့နယ်ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် ပြည်သူ့လုံခြုံရေးနှင့်အကြမ်းဖက်နှိမ်နင်းရေးအဖွဲ့(မြို့ပြ)  စုစုပေါင်းအင်အား ၁၂၅ ဦးတို့က မီးသတ်ရေယာဉ် ၂ စီးနှင့် အမှိုက်သိမ်းယာဉ် ၂ စီးတို့ အသုံးပြု၍  ဆောင်ရွက်ခဲ့ကြသည်။

ရေဝင်ရောက်ခဲ့မှုကြောင့် တနင်္သာရီမြို့နယ်ရှိ ယာယီကယ်ဆယ်ရေးစခန်း ၁၁ ခု၌ ပြောင်းရွှေ့နေထိုင်လျက်ရှိသည့် အိမ်ထောင်စု ၅၇၉ စု၊ လူဦးရေ ၂၆၁၅ ဦးအနက် ယာယီကယ်ဆယ်ရေးစခန်း ၂ ခုတွင် နေထိုင်သည့် အိမ်ထောင်စု ၃၃ စု လူဦးရေ ၁၃၇ ဦးတို့သည် မိမိတို့၏ နေအိမ်များသို့ ပြန်လည်ပြောင်းရွှေ့နေထိုင်သွားပြီဖြစ်ကြောင်း သိရသည်။

ထို့အပြင် တနင်္သာရီမြစ်ရေ မြင့်တက်လာမှုကြောင့် ဘုရားကြီး-မော်လမြိုင်-ထားဝယ်-မြိတ်-ဘုတ်ပြင်း-ကော့သောင်း ပြည်ထောင်စုလမ်းမကြီး၏ လမ်းရေကျော်မှုဖြစ်ပွား‌သည့် မြိတ်-တနင်္သာရီ-ထုံခါလမ်းပိုင်းတွင် ရေပြန်ကျသွားပြီဖြစ်သည့်အတွက် ယာဉ်ကြီး၊ ယာဉ်ငယ်များ ဖြတ်သန်းသွားလာနိုင်ပြီးဖြစ်ကြောင်း သိရသည်။

မြို့နယ်(ပြန်/ဆက်)

https://t.me/iprdrnd/210871

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

View to mTube Video Streaming Platform
https://mtube.gov.mm