IRA | Sirdaryo viloyati

CHIQINDILARNI QAYTA ISHLASH BO‘YICHA INNOVATSION LOYIHA MUHOKAMA QILINDI

Boyovut tumani hokimi Niyoz Xazratkulov hamda KECC korporatsiyasi vakillari o‘rtasida chiqindilarni qayta ishlashga qaratilgan innovatsion loyihani amalga oshirish masalalariga bag‘ishlangan uchrashuv bo‘lib o‘tdi.

Uchrashuv davomida tumanda chiqindilarni samarali boshqarish, ularni saralash va qayta ishlash tizimini rivojlantirish, zamonaviy texnologiyalarni joriy etish hamda ekologik barqarorlikni ta’minlash masalalari muhokama qilindi.

Shuningdek, loyiha doirasida xorijiy tajribani o‘rganish, mavjud imkoniyatlardan samarali foydalanish va hamkorlikni yo‘lga qo‘yish istiqbollari yuzasidan fikr almashildi.

Uchrashuv yakunida loyiha yuzasidan hamkorlikning keyingi bosqichlari va istiqboldagi rejalarni muhokama qilishga kelishib olindi.

🕊Telegram 📱 Instagram 📱 Facebok 📺YouTube

Boyovut tumanida “Mohirlik va biznes soati” darslari davom etmoqda

Boyovut tuman hokimligi tomonidan Boyovut tumanida “Mohirlik va biznes soati” mashg‘ulotlari muntazam tashkil etilmoqda.

Mazkur darslar davomida o‘quvchilarga tadbirkorlik asoslari, startap ekotizimi, innovatsion g‘oyalarni shakllantirish va ularni istiqbolli loyihalarga aylantirish bo‘yicha bilim va ko‘nikmalar berilmoqda.

Mashg‘ulotlarda yoshlarning ijodiy va innovatsion salohiyatini rivojlantirish, biznes yuritish ko‘nikmalarini shakllantirish, mavjud imkoniyatlardan samarali foydalanish hamda o‘z g‘oyalarini amaliyotga tatbiq etishga alohida e’tibor qaratilmoqda.

Ushbu tashabbus yoshlarni tadbirkorlikka keng jalb etish, ularning innovatsion fikrlashini rivojlantirish va kelajakda o‘z biznes loyihalarini yo‘lga qo‘yishlariga ko‘maklashishga xizmat qiladi.

Bizni kuzating!

@innovation_Sirdaryo

O‘zbekiston Respublikasi Prezidentining farmoni bilan Doniyor Baxtiyorovich Kadirov Sirdaryo viloyati hokimi vazifasini bajaruvchi etib tayinlandi.
—
Указом Президента Республики Узбекистан Кадиров Дониёр Бахтиёрович назначен исполняющим обязанности хокима Сырдарьинской области.

Facebook|Instagram|X

❗️“Ta’limga bekorga eng ishongan kadrimni olib kelmadim” — Shavkat Mirziyoyev

Prezident Yangi Toshkentda o‘tkazilgan uchrashuv davomida O‘zbekiston Respublikasi Bosh vazirining birinchi o‘rinbosari — ta’lim va ilm-fan vaziri Erkinjon Turdimov haqida to‘xtalib o‘tdi. Bu haqda tadbirda ishtirok etgan “Daryo” muxbiri xabar berdi.

“Son ko‘paydi, sifat esa kam. Bundan keyin har bir universitet kim uchun qanday kadr tayyorlashini o‘zi uchun aniq belgilab olishi kerak. To‘rtta viloyatga hokim bo‘lgan odamni Ta’lim vazirligiga bekorga olib kelmadim”, — dedi prezident.

Facebook | Instagram | YouTube | Telegram

Erkinjon Turdimov: Ta’limdagi har bir o‘zgarish yoshlar hayotida sezilishi kerak

Bugun O‘zbekiston Respublikasi Bosh vazirining birinchi o‘rinbosari — ta’lim va ilm-fan vaziri Erkinjon Turdimov vazirlik tizimi xodimlari bilan uchrashuv o‘tkazdi.

Muloqotda yoshlar, o‘quvchi va talabalarni qiynayotgan masalalarni o‘rganish, ularning dardini eshitish, sifatli ta’lim olishi uchun yanada yaxshi sharoit yaratishga alohida e’tibor qaratildi.

Bola bog‘chaga borishi, o‘quvchi maktabda puxta bilim olishi, talaba esa egallagan bilimi va kasbi bilan hayotda o‘z o‘rnini topishi kerak. Shu maqsadda maktabgacha ta’lim qamrovini kengaytirish, ta’lim sifatini oshirish, yoshlarni kasbga tayyorlash va ilm-fanga qiziqishini qo‘llab-quvvatlash masalalari muhokama qilindi.

Batafsil: https://gov.uz/edu/news/view/231315

👉 На руском
👉 In English

#VazirUchrashuvi #Natijadorlik #AmaliyYechim

Facebook | Instagram | YouTube | Telegram

#InnoX

🔺 InnoX: 260 nafar yosh innovatsion tadbirkorlikka o’qitildi

Prezidentimizning 2026-yil 5-fevraldagi PQ-49-son qarori ijrosi doirasida Innovatsion rivojlanish agentligi tomonidan Ijtimoiy reyestrga kiritilgan oilalardan bo’lgan yoshlarni innovatsion tadbirkorlikka jalb etish ishlari davom ettirilyapti.

Xususan, 2026-yilning 3-choragi yakuniga qadar Qoraqalpog’iston Respublikasi va barcha viloyatlardagi 13 ta Yoshlar texnoparkida “InnoX” biznes-inkubator va akselerator dasturi doirasida 260 nafar yosh o’qitildi.

Dasturda yoshlarga startap g’oya, biznes-model va biznes-reja tuzish, Lean Canvas, MVP, marketing va SMM, sun’iy intellektdan foydalanish, investitsiya va grant jalb etish, patentlash hamda pitch va notiqlik o’rgatildi. Mashg’ulotlar seminar, trening, mahorat darsi va mentorlik shaklida o’tkazildi.
Hozirda bitiruvchilarning loyihalari respublikada e’lon qilinayotgan tanlovlarga topshirilyapti.

Maʼlumot o’rnida: ishtirokchilarning katta qismini xotin-qizlar tashkil etdi.

Bizni kuzating

Web-site | Instagram | Facebook | YouTube

Inno Map: Innovatsion G'oya va Yutuqlar

Guliston Yoshlar Texnoparkidagi Innox dasturi ishtirokchisi Avazov Sunnatbek o‘zining Inno Map loyihasi bilan bir qator nufuzli tanlovlarda ishtirok etib, muvaffaqiyatlarga erishmoqda.
Inno Map – bu innovatsion xaritalash qurilmasi bo‘lib, yosh foydalanuvchilarga geografik ma’lumotlarni samarali boshqarish va tahlil qilish imkoniyatini beradi. Ushbu loyiha zamonaviy texnologiyalar va ma’lumotlar tahliliga asoslangan bo‘lib, turli yo‘nalishlarda foydalanish imkoniyatiga ega.

Bu yutuqlar Innox dasturining yosh startapchilarni qo‘llab-quvvatlashdagi muhim ahamiyatini yana bir bor isbotlaydi. Avazov Sunnatbek va uning Inno Map loyihasi kelajakda yanada keng rivojlanib, texnologik ekotizimda o‘z o‘rnini mustahkamlashiga ishonamiz!

Siz ham innovatsion g‘oyangiz bilan tanlovlarda qatnashishni xohlaysizmi? Unda Guliston Yoshlar Texnoparkidagi InnoX dasturining yangi mavsumida ishtirok eting!

Texnoparkning rasmiy sahifalari:
🚀Telegram | 📷 Instagram | 🔵Facebook

Prezident Shavkat Mirziyoyevning Markaziy Osiyo va Ozarbayjon davlat rahbarlarining sakkizinchi Maslahat uchrashuvidagi nutqidan asosiy fikrlar (birinchi qism):

📌So‘nggi yillarda Markaziy Osiyodagi munosabatlarning muhiti o‘zgardi, yetakchilar tez-tez uchrashib, masalalarni ochiq muhokama qilib, yechimlar topib, bir-birini qo‘llab-quvvatlay boshladi;

📌XXI asrda Markaziy Osiyoni rivojlantirish maqsadida Do‘stlik, yaxshi qo‘shnichilik va hamkorlik to‘g‘risidagi shartnomani tuzish jarayonlarining yakunlanishi tarixiy voqea bo‘ldi;

📌Mintaqa xalqaro maydonda ancha ishonchli va sezilarliroq tarzda namoyon bo‘lmoqda;

📌Markaziy Osiyo va qo‘shni mintaqalar o‘rtasidagi hamkorlikning navbatdagi bosqichini belgilab olish kerak. Bugun ularni yanada mustahkamlash va aniq mazmun bilan boyitish imkoniyati paydo bo‘lmoqda;

📌Markaziy Osiyo davlatlari rahbarlarining Maslahat uchrashuvlari faoliyatini tartibga soladigan normativ-huquqiy bazani takomillashtirish bo‘yicha ishlarni davom ettirish taklif etildi;

📌Iqtisodiy hamkorlik yangi darajaga ko‘tarilishi kerak. O‘zaro savdo va investitsiyalar hajmining o‘sishi bo‘yicha jiddiy maqsadlar qo‘yilgan. Endi bu o‘sish nimaning hisobiga ta’minlanishini belgilab olish zarur;

📌Savdo-iqtisodiy hamkorlik bo‘yicha 2035-yilgacha mo‘ljallangan keng qamrovli mintaqaviy dastur umumiy geografiyamizdan foydalanishda yordam beradigan amaliy vositaga aylanishi kerak;

📌Davlatlar bilan odatdagi savdo-sotiq qilish endi yetarli emas, birgalikda yakuniy mahsulot yaratish lozim. “Olti iqtisodiyot – bitta mahsulot” formulasi qanday marraga intilish kerakligini yaxshi ifodalaydi. Bu boradagi ishlarni rivojlantirish uchun 2027-yilda Xiva shahrida Markaziy Osiyo va Ozarbayjon biznes forumini o‘tkazish taklif etildi;

📌Qo‘shma investitsiya loyihalarini moliyaviy-texnik jihatdan qo‘llab-quvvatlash bo‘yicha maxsus platforma yaratish muhimligi ta’kidlandi;

📌Mintaqa global savdoning quruqlikdagi eng muhim yo‘nalishlaridan biriga va ayni paytda iqtisodiy faollikning yirik markaziga aylanishi mumkinligi qayd etildi;

📌Bunday muvofiqlashtiruv uchun Infratuzilmaviy rivojlanish bo‘yicha kengash tuzishni tezlashtirish va uning birinchi majlisini O‘zbekistonda o‘tkazish taklif etildi.

Facebook|Instagram|X

#InnoWeek_2026

✅ TADBIRKORLAR DIQQATIGA!

💡 Bozor iqtisodiyotida eng qimmat resurs — bu g‘oya.

Bugun raqobatda kim yutadi? Ko‘proq ishlagan emas, balki yangicha fikrlagan tadbirkor. Yangi mahsulot, yangi texnologiya yoki samarali biznes modeli — bularning barchasi kuchli g‘oyadan boshlanadi. Ammo har bir innovatsion yechimni noldan o‘ylab topish uchun vaqtingizni sarflash shart emas.

⚫️InnoWeek’ga keling!
Yangi g‘oyalar, yangi hamkorlar va yangi imkoniyatlar orqali ishlab chiqarishingizni rivojlantiring.

🔍 InnoWeek-2026 — innovatsiyalar va biznes uchrashadigan maskan.

✅ 27–29-oktabr | CAEx | InnoWeek-2026

➡️ Hoziroq ro‘yxatdan o‘ting: innoweek.uz

Bizni kuzating

Web-site | Instagram | Facebook | YouTube | LinkedIn

Guliston yoshlar texnoparki "Fab-Lab" ishlab chiqarsh zonasida startap loyiha doirasida yangi mahsulot ishlab chiqarilmoqda

"Fab-Lab" ishlab chiqarish zonasida “CLEAN FOOT – oyoq terlashi va noxush hidga qarshi vositalar ishlab chiqarish” startap loyihasi doirasida oyoq parvarishi uchun mo‘ljallangan maxsus “bombochkalar” ishlab chiqarish yo‘lga qo‘yildi.

Mazkur loyiha Innovatsion rivojlanish agentligi tomonidan 320 million so‘m miqdoridagi grant mablag‘lari asosida moliyalashtirilgan.

Loyiha doirasida zamonaviy texnologiyalar asosida oyoq terlashi, noxush hid va gigiyena bilan bog‘liq muammolarning oldini olishga xizmat qiluvchi mahsulotlar ishlab chiqarilmoqda. Mahsulot tarkibi xavfsiz va samaradorligi yuqori bo‘lishi uchun ilmiy yondashuv asosida ishlab chiqilgan.

Guliston yoshlar texnoparkining "Fab-Lab" ishlab chiqarish zonasi yosh innovatorlar va startap tashabbuslarini amaliyotga tatbiq etish, mahalliy ishlab chiqarishni rivojlantirish hamda yangi ish o‘rinlarini yaratishda muhim platforma bo‘lib xizmat qilmoqda.

Bizni kuzating!

@innovation_Sirdaryo