Guliston Yoshlar Texnoparki

#KelajakTadbirkori2026 #Sirdaryo

“Kelajak tadbirkori – 2026” — katta imkoniyatlar maydoni

Yoshlarning bandligini taʼminlash, ularni zamonaviy kasblarga yoʻnaltirish hamda tadbirkorlik tashabbuslarini qoʻllab-quvvatlashga qaratilgan “Kelajak tadbirkori – 2026” kasb, bandlik va tadbirkorlik imkoniyatlari yarmarkasi Guliston shahrida boʻlib oʻtadi.

Ko‘rgazmada ishtirokchilar uchun:

⚫️ Bo’sh ish o‘rinlari va amaliyotlar
⚫️ Real ish beruvchilar bilan uchrashuv
⚫️ Tadbirkorlik va moliyaviy imkoniyatlar

Ko’rgazmaning maqsadi — talaba-yoshlar va ishsiz fuqorolar bandligini ta’minlash, ularning kasbiy yo‘nalishini aniqlash va biznes tashabbuslarini qo‘llab-quvvatlashdir.

Tashkilotchilar: Markaziy bank, Milliy banki, Oliy ta’lim, fan va innovatsiyalar vazirligi, Sirdaryo viloyati hokimligi, Yoshlar ishlari agentligi, Savdo-sanoat palatasi va Kambag‘alikni qisqartirish va bandlik vazirligi.

🗓 18-sentyabr.
📍Guliston shahri — Savdo-sanoat palatasi binosi.

Sizni “Kelajak tadbirkori – 2026” kasb ko‘rgazmasida kutib qolamiz!

Facebook | Instagram | YouTube | Telegram

📚 Sirdaryo va Boyovut innovatsion tumanlaridagi maktab hamda texnikumlarda “Mohirlik va biznes soati” dasturi doirasida 2-mashg‘ulotlar tashkil etildi

Dastur doirasidagi navbatdagi mashg‘ulot “Normativ-huquqiy hujjatlar. Startap ekotizimini takomillashtirish” mavzusiga bag‘ishlandi.

Mashg‘ulotlarda o‘quvchilarga O‘zbekistonda startap va innovatsion faoliyatni qo‘llab-quvvatlashning huquqiy asoslari, sohada qabul qilingan muhim normativ-huquqiy hujjatlar hamda yoshlarning innovatsion va tadbirkorlik tashabbuslarini amalga oshirish uchun yaratilgan imkoniyatlar haqida ma’lumot berildi.

Jumladan, startap ekotizimini rivojlantirish, ilmiy va innovatsion faoliyatni qo‘llab-quvvatlash, yoshlar tadbirkorligini rivojlantirish va biznes loyihalarni moliyalashtirishga qaratilgan Prezident farmon va qarorlari hamda Vazirlar Mahkamasi qarorlarining mazmun-mohiyati tushuntirildi.

Bizni kuzating!

@innovation_Sirdaryo

Ketma-ket boʻlib oʻtgan 10 ta tadbir…
Hech qanday tanaffussiz va hatto tushliksiz davom etgan qariyb 10 soatlik ish vaqti…
Prezidentning Koreyaga tashrifi 1 kuniga nazar tashlasak.

Odatda Oʻzbekiston yetakchisining xorijiy tashriflari juda tigʻiz boʻlib, tadbirlar, uchrashuvlarga boy oʻtadi. Prezidentimiz hech bir tashrifda faqat siyosiy muloqotlar bilangina cheklanib qolmagan. Davlat rahbari har gal oʻsha mamlakatning yirik kompaniyalari, katta biznes egalari bilan shaxsan uchrashadiki, ular Oʻzbekiston iqtisodiyotiga yanada koʻproq sarmoya kiritsin, texnologiyasini olib kirsin, zavod, fabrika, qoʻshma korxona qursin, pirovardida oʻzimizning qora koʻzlar uchun yangi va yuqori daromadli ish oʻrinlari boʻlsin.

📆 15-sentyabr, Koreya tashrifining 2-kuni. Prezidentimizning ish jadvali shu qadar tigʻiz ediki, shu kuni biz jurnalistlarga ham oson boʻlmasligini erta tongdanoq payqadik. Davlat rahbari 1 kunning oʻzida 10 ta tadbirda ishtirok etdi. Koreya Parlamenti raisi va Bosh vaziri bilan uchrashuv, ushbu mamlakatning eng yirik kompaniyalari rahbarlari ishtirokida 6 ta qabul, Oʻzbekiston — Koreya biznes forumida qatnashish va eng soʻnggida vatandoshlar bilan muloqot. Tasavvur qiling, ertalab soat 10 larda boshlangan tadbirlar ketma-ket, orada hech qanday tanaffuslarsiz, oʻrni kelganda aytishim kerak, hatto tushliksiz salkam 20:00 ga qadar davom etdi. Nafas rostlashga ulgurmasdik hatto.

🇺🇿 Vatandoshlar bilan muloqot taxminan 18:00 larda boshlandi. Bu vaqtga kelib, tan olaman biz juda toliqqan edik. Ammo oxirgi biznes uchrashuvni yakunlab, ketidan darrov yurtdoshlarimiz bilan muloqot uchun zalga kirib kelgan Prezidentimiz hamon ishchan kayfiyatda edi. Hech qanday mubolagʻasiz aytamanki, davlatimiz rahbarida hayratlanarli darajadagi energiya bor va uning juda yuqori darajadagi TEMPiga chidash oson emas.

⏰ Muloqot boshlanganiga 1 soatlar boʻlganida protokol xizmati rahbari Prezidentga “9 soat boʻldi” dedi past ovozda. Ya’ni davlat rahbari uzliksiz 9 soatdan beri ishlayotgan edi. Shu gapdan keyin ham Oʻzbekiston yetakchisi vatandoshlarimiz bilan 1 soat suhbatlashdi. Va shunda ham ertaga (ya’ni 16-sentyabrda) katta sammit borligi, unga tayyorgarlik koʻrish kerakligini aytgan holda Koreyada yashayotgan va tahsil olayotgan yurtdoshlarimiz bilan xayrlashdi.

Ana shunaqa gaplar. Aslida, davlat rahbarining yurt taraqqiyoti yoʻlidagi har bir kunlik faoliyati, har bir xorijiy tashrifi ana shunday betinim oʻtadi. Men faqat bu safargisini batafsil sharhlashga urindim, xolos. Yuqoridagi videoda esa ushbu kun voqealarini 3 daqiqaga sigʻdirish uchun uning 20–30 barobarga qisqartirilgan variantini tomosha qilishingiz mumkin.

👉 @jahongirolimov_rasmiy 👈

Sirdaryo va Boyovut innovatsion tumanlaridagi maktab hamda texnikumlarda “Mohirlik va biznes soati” dasturi doirasida ilk mashg‘ulotlar tashkil etildi

Birinchi dars “O‘zbekistonda startap ekotizimi va startaplarni qo‘llab-quvvatlash” mavzusiga bag‘ishlandi.

Mashg‘ulotlarda o‘quvchilarga startap nima, innovatsion g‘oyani qanday loyihaga aylantirish mumkinligi hamda O‘zbekistonda yoshlarning biznes tashabbuslarini amalga oshirish uchun yaratilayotgan imkoniyatlar haqida tushunchalar berildi.

Dastur orqali yoshlarning tadbirkorlik, innovatsion fikrlash, moliyaviy savodxonlik va loyiha yaratish ko‘nikmalarini rivojlantirish ko‘zda tutilgan.

Bizni kuzating!

@innovation_Sirdaryo

#Matbuot_sahifalarida

G'oyadan - daromadga, tashabbusdan - imkoniyatga

Boyovut innovatsion tumanida amalga oshirilayotgan “InnoX” biznes-inkubator va akselerator dasturi yoshlarning biznes g‘oyalarini amaliy loyihalarga aylantirishga xizmat qilmoqda.

Dastur doirasida yoshlar biznes-reja tuzish, bozorni o‘rganish va o‘z loyihalarini rivojlantirish bo‘yicha zarur bilim va ko‘nikmalarga ega bo‘lmoqda.

Asosiy maqsad — yoshlarning tashabbuslarini qo‘llab-quvvatlash, yangi daromad manbalarini yaratish va g‘oyalarni barqaror biznesga aylantirish!

✅ Batafsil “Yangi Sirdaryo” gazetasining navbatdagi sonida.

Bizni kuzating

@innovation_Sirdaryo

Boyovut innovatsion tumanida “InnoX” biznes-inkubator va akselerator dasturining “Demo Day” bosqichi bo‘lib o‘tdi

Tadbirda A.Navoiy mahallasida istiqomat qiluvchi, ijtimoiy reyestrga kiritilgan oilalar a’zosi bo‘lgan yoshlar dastur davomida ishlab chiqqan o‘zlarining startap va biznes loyihalarini yakuniy taqdimot — piching ko‘rinishida namoyish etdilar.

Taqdimotlar davomida yoshlar tomonidan ishlab chiqilgan loyihalarning dolzarbligi, bozordagi salohiyati, amalga oshirish mexanizmlari hamda ularni tijoratlashtirish istiqbollari ko‘rib chiqildi.

“InnoX” biznes-inkubator dasturi yoshlarning innovatsion g‘oyalari va startap tashabbuslarini qo‘llab-quvvatlash, ularni amaliy biznes loyihalariga aylantirish orqali yangi ish o‘rinlarini yaratish va yoshlar bandligiga ko‘maklashishga xizmat qilmoqda.

Ma’lumot uchun, mamlakatimizda kambag‘allikni qisqartirish va aholi bandligini ta’minlash masalalariga alohida e’tibor qaratilib, joylardagi mavjud muammolarni manzilli hal etish, ayniqsa ijtimoiy reyestrdagi oilalar a’zolarini daromadli faoliyat va tadbirkorlikka jalb etish bo‘yicha tizimli ishlar amalga oshirilmoqda.

Bizni kuzating!

@innovation_Sirdaryo