Sanoat kooperatsiyasi va davlat xaridlari agentligi | ICPPA

📌“Notinch dunyoda tinch mamlakat bor — bu O‘zbekiston”

Prezident Shavkat Mirziyoyev Andijonga tashrifi davomida hududdagi vaziyat va yechimini kutayotgan masalalar haqida fikr bildirar ekan, so‘nggi kunlarda kam uxlayotganini aytdi.

📌 Davlat rahbari Andijonda havo yaxshi ekanini, biroq hududda hal qilinishi kerak bo‘lgan masalalar ko‘pligi sababli o‘ylar uni qiynayotganini ta’kidladi.

Shuningdek, Prezident kecha suhbatlashgan oqsoqollardan birining “Notinch dunyoda tinch mamlakat bor — O‘zbekiston” degan so‘zlarini alohida qayd etdi.

“Siyosatdan yiroq odam, lekin yuragidagi bor gapni gapirdi. Men juda xursand bo‘ldim”, - dedi Prezident.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

⚡ BMT Bosh Assambleyasi 81-sessiyasida O‘zbekistonning pozitsiyasi bildirildi

BMT Bosh Assambleyasining 81-sessiyasida 130 ga yaqin davlat delegatsiyalari qatorida O‘zbekiston delegatsiyasi ham ishtirok etdi. Sessiya doirasida O‘zbekiston Respublikasi Prezidenti Administratsiyasi rahbari Saida Mirziyoyeva nutq so‘zladi.

Nutqda bugungi dunyoda ziddiyatlar tobora kuchayib, o‘zaro ishonch susayib borayotgan bir sharoitda O‘zbekistonning aniq pozitsiyasi bayon etildi:
“Tanlagan yo‘limiz aniq — ochiqlik, yaxshi qo‘shnichilik va muloqot. Biz tinchlik, hamkorlik hamda inson qadr-qimmatini e’zozlash tarafdorimiz.”

Nutqda, shuningdek, Markaziy Osiyodagi tub o‘zgarishlar, O‘zbekistonning taraqqiyot yo‘li va aholining turmush darajasi yaxshilanayotgani, BMTning bugungi dunyodagi o‘rni, Afg‘oniston masalasi, bolalar huquqlari va demografik barqarorlik, Orol fojiasi va ekologik muammolar, sun’iy intellekt taraqqiyoti, qonun ustuvorligi va ayollar huquqlari, Toshkentdagi Islom sivilizatsiyasi markazi hamda inson qadrini ulug‘lash kabi dolzarb masalalarga to‘xtalib o‘tildi.

“Bugun hech bir davlat global muammolarni yolg‘iz o‘zi hal eta olmaydi. O‘zbekiston ishonch va o‘zaro hurmatga asoslangan kelajakni barpo etish yo‘lida munosib hissasini qo‘shishga doimo tayyor.”

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🤝 Jahon banki bilan davlat xaridlari va sanoat kooperatsiyasi bo‘yicha hamkorlik masalalari muhokama qilindi

Sanoat kooperatsiyasi va davlat xaridlari agentligi rahbariyati Jahon bankining Yevropa va Markaziy Osiyo mintaqasi bo‘yicha “Prosperity” yo‘nalishi delegatsiyasi bilan uchrashdi.

Muloqotda davlat xaridlarini modernizatsiya qilish, soha mutaxassislarining professional salohiyatini oshirish, xalqaro tajribani o‘rganish hamda sanoat kooperatsiyasini rivojlantirish bo‘yicha hamkorlikning ustuvor yo‘nalishlari muhokama qilindi.

Xususan, Agentlik tomonidan shakllantirilayotgan davlat xaridlari mutaxassislarini uch bosqichli o‘qitish va sertifikatlash tizimiga alohida e’tibor qaratildi. Mazkur tizim bazaviy bilimlardan boshlab, murakkab va strategik xaridlarni boshqarish bo‘yicha yuqori professional kompetensiyalargacha bo‘lgan uzluksiz malaka oshirish modelini yaratishni nazarda tutadi.

Bugungi kunda tizimning birinchi bosqichi doirasida davlat xaridlari bo‘yicha bazaviy bilimlarni egallash imkonini beruvchi bepul onlayn o‘quv platformasi ishga tushirilgan.

Uchrashuvda keyingi bosqichlarni, xususan, yuqori darajadagi professional sertifikatlash tizimini xalqaro tajriba va ekspertiza asosida rivojlantirish masalalari ko‘rib chiqildi.

Shuningdek, “yashil” davlat xaridlari, raqobatni kengaytirish, xalqaro o‘quv tashriflarini tashkil etish, davlat xaridlari tizimini MAPS metodologiyasi asosida baholash hamda O‘zbekistonda o‘tkazilishi rejalashtirilgan 19-PRIMO mintaqaviy forumiga tayyorgarlik doirasidagi hamkorlik istiqbollari yuzasidan fikr almashildi.

🏭Muzokaralarda Agentlik faoliyatining yana bir muhim yo‘nalishi — sanoat kooperatsiyasi, mahalliylashtirish va mahalliy yetkazib beruvchilar salohiyatini rivojlantirish masalalariga ham e’tibor qaratildi. Xususan, sanoat va ilm integratsiyasini kuchaytirish, ilg‘or xalqaro tajriba va ekspertizani jalb qilish imkoniyatlari muhokama qilindi.

Uchrashuv yakunida muhokama qilingan yo‘nalishlar bo‘yicha amaliy hamkorlikni davom ettirish va keyingi qadamlarni belgilash yuzasidan fikr almashildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

⚡️ Ayni vaqtda BMT Bosh Assambleyasining 81-sessiyasida O‘zbekiston Respublikasi Prezidenti Administratsiyasi rahbari Saida Mirziyoyeva nutq so‘zlamoqda.

▶️  Jonli efir: https://webtv.un.org/en

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezidentimiz charm-poyabzal sanoat zonasi ishchilari bilan muloqot qildi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezidentimiz «Ipak yo‘li» sanoat zonasidagi texnikumda bo‘ldi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Davlatimiz rahbari Andijon viloyatida kichik gidroenergetika uchun uskunalar ishlab chiqarish loyihasi bilan tanishdi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

BMT bosh qarorgohi Bosh Assambleyaning 81-sessiyasi doirasida 130 ga yaqin davlatdan kelgan delegatsiyalarga mezbonlik qilmoqda. Ular qatorida, jumladan, O‘zbekiston ham bor.

Mamlakatimiz delegatsiyasi umumiy munozaralar davomida qator davlat rahbarlarining nutqlarini tingladi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

✔️ Ish joyida tazyiq va zo‘ravonlikka qarshi yangi tizim: murojaat endi nazorat ostida bo‘ladi

Joriy yil 21-sentabr kuni “Mehnat sohasida xavfsiz va hurmatga asoslangan ish muhitini ta’minlash chora-tadbirlari to‘g‘risida” Prezident qarori qabul qilindi. Hujjat bilan ish joyida tazyiq, zo‘ravonlik, shahvoniy shilqimlik, ruhiy bosim, ta’qib va kamsitishning oldini olish, murojaatlarni xolis ko‘rib chiqish va bunday holatlarni yashirishga yo‘l qo‘ymaslik bo‘yicha yaxlit tizim joriy etilmoqda.

❓ Raqamli tizim qachondan ishlaydi?

2026-yil 1-dekabrgacha “Xavfsiz va hurmatga asoslangan ish muhiti” axborot portali ishga tushiriladi. U orqali tazyiq va zo‘ravonlik holatlari bo‘yicha murojaatlar onlayn qabul qilinadi, murojaatlarni ko‘rib chiqish, dalillarni yig‘ish, xulosa tayyorlash va tekshiruv natijalarini nazorat qilish jarayonlari raqamlashtiriladi.

⚡ Eng muhim kafolatlar

✔️Murojaat qilgan xodimning shaxsiy ma’lumotlari himoya qilinadi.
Bunday ma’lumotlarning qonunchilikda nazarda tutilmagan hollarda oshkor qilinishiga yo‘l qo‘yilmaydi.
✔️ Rahbar ustidan murojaat tushsa, masala yuqori turuvchi instansiyaga avtomatik yo‘naltiriladi.
Bu manfaatlar to‘qnashuvining oldini olishga xizmat qiladi.
✔️ Murojaat uchun bosim o‘tkazishga yo‘l qo‘yilmaydi.

⛔Qaror materiallarida xodim o‘z huquqlarini himoya qilgani uchun uning ish sharoitlarini yomonlashtirish yoki jazolashga yo‘l qo‘yilmasligi alohida ta’kidlangan.

👍 Zarur holatlarda “112” orqali vakolatli organlarga yuborish mexanizmi ham tizimga integratsiya qilinadi.

📌Bu faqat shikoyat tizimi emas

🔷Davlat organlari va tashkilotlari xodimlari har yili qisqa trening kurslarida o‘qitiladi. Har bir tashkilotda portalni yuritish va profilaktik treninglarni tashkil etish uchun kamida bir nafar mas’ul xodim belgilanadi.

🔷Nodavlat tashkilotlar uchun ham dmi.mehnat.uz tizimida mazkur imkoniyatlardan ixtiyoriy foydalanish sharoiti yaratiladi.

✔️Qarorning asosiy mazmuni bitta: ish joyidagi tazyiq yoki zo‘ravonlikni yashirish emas, uni xavfsiz bildirish, xolis ko‘rib chiqish va natijasini nazorat qilishning aniq mexanizmi yaratilmoqda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin