#bojxonachi_tadbirkor_tayanchi

Ҳурматли тадбиркорлар!

Божхона қўмитаси тадбиркорларнинг ташқи иқтисодий фаолият ва экспорт-импорт операцияларини амалга ошириш, "божхона ҳудудида қайта ишлаш" режимидан ҳамда "ваколатли иқтисодий оператор" мақомидан фойдаланиш бўйича қизиқтирган саволларига тезкорлик билан жавоб олишлари учун Телеграмда "Божхоначи - тадбиркор таянчи" очиқ гуруҳи ташкил қилинганини маълум қилади.

Тадбиркорлар ўзлари дуч келаётган муаммолар ва уларни бартараф этиш юзасидан таклифларини ушбу гуруҳ орқали бевосита мутасаддиларга билдиришлари мумкин.

Ҳар бир асосли таклиф ва амалий ташаббус белгиланган тартибда кўриб чиқилади.