Тошкентнинг тўрт туманига ҳокимлар тайинланди

Тошкент шаҳар ҳокимлиги Яшнобод, Янгиҳаёт, Чилонзор ва Яккасарой туманларидаги тайинловлар ҳақида маълум қилди.

Абдулазиз Абдулхаков Яшнобод тумани ҳокими этиб тайинланди. У 2025 йилдан «UET Construction» МЧЖнинг ижтимоий объектларни қуриш департаменти директори бўлиб ишлаган. Аввал Мирзо Улуғбек тумани ҳокимининг қурилиш, инфратузилма ва ободонлаштириш масалалари бўйича ўринбосари бўлган.

Лазизбек Темиров Янгиҳаёт тумани ҳокими этиб тайинланди. У 2024 йилдан Яшнобод тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – туман иқтисодиёт ва молия бўлими бошлиғи лавозимида ишлаган.

Ҳаёт Иногамов Чилонзор тумани ҳокими этиб тайинланди. У 2020 йилдан Янгиҳаёт туманига раҳбарлик қилиб келган.

Акмал Жумабоев Яккасарой тумани ҳокими этиб тайинланди. У 2021 йилдан Сергели тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – туман иқтисодиёт ва молия бўлими бошлиғи лавозимида ишлаган.

✈️ Каналга уланиш: 👇
@hudud_inform | Instagrаm | Facebook