Наманганда 23–25 октябрь кунлари халқаро асал фестивали ўтказилади

2026 йил 23–25 октябрь кунлари Наманган шаҳридаги «Афсоналар водийси» тематик боғида V Халқаро асал фестивали бўлиб ўтади. Унда маҳаллий ва хорижий асал етиштирувчилар, тадбиркорлар ҳамда соҳа мутахассислари қатнашиши режалаштирилган.

Дастурдан асал ва асаларичилик маҳсулотлари кўргазма-савдоси, ҳунармандчилик ярмаркалари, ош чемпионати ва концертлар ўрин олган. Шунингдек, асаларичиликдаги янги ишланмалар намойиш этилиб, тадбиркорлар ўртасида ишбилармонлик учрашувлари ташкил қилинади.

Хорижий меҳмонлар учун вилоятнинг туристик ва инвестициявий имкониятлари билан таништирувчи махсус турлар ҳам режалаштирилган.

✈️ Каналга уланиш: 👇
@hudud_inform | Instagrаm | Facebook