Hurmatli iste’molchilar!

Toshkent shahar Yunusobod tumani “Posira” MFY hududida joylashgan yer osti yuqori bosimli D-325 mm gaz quvurini xavfsiz joyga ko‘chirish ishlari “Hududgaz Poytaxt” gaz ta’minoti filialining “Yunusobodtumangaz” gaz ta’minoti bo‘limi tomonidan 2026-yil 12-oktabr kuni amalga oshirilishi rejalashtirilgan.

Ushbu ishlarni bajarish davomida, 2026-yil 12-oktabr kuni soat 10:00 dan 18:00 ga qadar quyidagi tabiiy gaz iste’molchilarida gaz ta’minoti vaqtincha to‘xtatiladi.

Aholi iste’molchilari:

• “Obod” MFY hududidagi 150 ta xonadon;
• “Posira” MFY Mikro rayon ko‘chasidagi ko‘p qavatli uylardagi 515 ta xonadon.

Ulgurji iste’molchilar:

• AGNKS “EDEM”;
• “Bolalar uyi”;
• AGNKS “Dream Gaz”;
• AGNKS “TRIUMPH ORIENTIR”;
• “Posira” va “Obod” MFYlari hududidagi 35 ta ulgurji iste’molchi.

Keltirilgan noqulayliklar uchun iste’molchilardan uzr so‘raymiz. Gaz ta’minoti ishlari yakunlangach, tabiiy gaz ta’minoti bosqichma-bosqich tiklanadi.

“Hududgaz Poytaxt” GTF Matbuot xizmati