Yaponiya hamkorlariga gaz ta’minotidagi raqamli boshqaruv imkoniyatlari namoyish etildi

Gaz taqsimlash punktlarini modernizatsiya qilish dasturi doirasida Yaponiyaning “ITO Corporation” kompaniyasi vakillari “Hududgazta’minot” AJning “HGT Onlayn boshqaruv” axborot tizimi bilan tanishtirildi.

Taqdimotda chilangar va texnik xodimlarning kundalik faoliyati, gaz tarmoqlari hamda qurilmalarida bajarilayotgan texnik nazorat ishlarini real vaqt rejimida kuzatish imkoniyatlari namoyish etildi. Tizim topshiriqlar ijrosini tuman, viloyat va respublika darajasida nazorat qilish, bajarilgan ishlarni baholash hamda natijalarni tahlil etish imkonini beradi.

Hamkorlik doirasida modernizatsiya qilinadigan gaz taqsimlash punktlarini onlayn monitoring qilish masalasi ham muhokama qilindi. Raqamli yechim yaponiyalik mutaxassislarda katta qiziqish uyg‘otdi va kelgusidagi loyihalarda undan keng foydalanishga kelishib olindi.

💬Facebook |👉Telegram |▶️ YouTube |📷Instagram |📱 X |🌐 hududgaz.uz