O‘zbekiston Respublikasi Prezidenti Administratsiyasi rahbari Saida Mirziyoyeva Birlashgan Arab Amirliklari Prezidenti Shayx Muhammad bin Zoid Ol Nahayon bilan uchrashdi.
Uchrashuv avvalida O‘zbekiston Respublikasi Prezidentining samimiy tilaklari yetkazildi. Muloqot davomida mamlakatlarimiz o‘rtasidagi savdo-iqtisodiy aloqalarni yanada kengaytirish, yangi investitsiyaviy loyihalarni amalga oshirish, shuningdek, sun’iy intellektni rivojlantirish masalalari muhokama qilindi.
🔷Bugungi kunda O‘zbekiston va BAA o‘rtasidagi strategik sheriklik savdo va investitsiyalardan tashqari energetika, infratuzilma, tibbiyot, qishloq xo‘jaligi va turizm kabi yo‘nalishlarni ham qamrab olmoqda.
🔷2026-yil yanvar–iyul oylarida ikki mamlakat o‘rtasidagi tashqi savdo aylanmasi 807,6 million dollarni tashkil etdi. O‘zbekistonda BAA kapitali ishtirokidagi 425 ta korxona faoliyat yuritmoqda, investitsiyaviy hamkorlik doirasida esa 16,7 milliard dollarlik 58 ta loyiha amalga oshirilmoqda.
Muloqot davomida mamlakatlarimiz o‘rtasidagi savdo-iqtisodiy munosabatlarni kengaytirish masalalarini muhokama qildik, shuningdek, sun’iy intellektni rivojlantirish mavzusiga ham to‘xtalib o‘tdik”, - dedi Saida Mirziyoyeva.
💬Facebook |👉Telegram |▶️ YouTube |📷Instagram |📱 X |🌐 hududgaz.uz