Samarqand shahridagi ko‘p qavatli uyda 2,4 mlrd so‘mlik tabiiy gazdan noqonuniy foydalanish holati aniqlandi

"Hududgazta’minot" AJ boshqaruv raisining tegishli topshirig‘i bilan tabiiy gazdan noqonuniy foydalanish holatlarini aniqlash va ularni oldini olishga qaratilgan nazorat tadbirlari davom ettirilmoqda. Shunday tadbirlardan biri "Hududgaz Samarqand" gaz ta’minoti filiali, shahar gaz ta’minoti bo‘limi xodimlari va huquq-tartibot organlari hamkorligida Samarqand shahrida o‘tkazildi.

Shaharning Rudakiy ko‘chasida joylashgan ko‘p qavatli turar-joy binosi xatlovdan o‘tkazilganda, ta’minot korxonasi bilan shartnoma tuzmasdan va loyiha hujjatlari rasmiylashtirmasdan tarmoqqa to‘g‘ridan to‘g‘ri ulangan holda tabiiy gazdan noqonuniy foydalanib kelinayotgani aniqlandi.

Holat yuzasidan dalolatnoma tuzilib, dastlabki hisob-kitoblarga ko‘ra 2 milliard 442 million so‘m zarar aniqlandi. Barcha materiallar huquqni muhofaza qiluvchi organlarga yuborildi.

💬Facebook |👉Telegram |▶️ YouTube |📷Instagram |📱 X |🌐 hududgaz.uz