Sergeli tumanida qish mavsumiga tayyorgarlik ishlari izchil davom etmoqda

Sergeli tumanida 2026–2027-yillar kuz-qish mavsumini betalafot o‘tkazish, iste’molchilarni tabiiy gaz bilan bir maromda va uzluksiz ta’minlash maqsadida amaliy ishlar izchil olib borilmoqda.

Jumladan, tumandagi ma’nan va jismonan eskirgan gaz taqsimlash punktlari o‘rniga zamonaviy, energiya tejamkor va xavfsizlik talablari asosida ishlab chiqilgan yangi gaz taqsimlash punktlari (GTP) o‘rnatilmoqda.

Mazkur yangilanishlar, avvalo, aholiga tabiiy gazni barqaror va ishonchli yetkazib berish, gaz ta’minoti tizimining xavfsizligi hamda samaradorligini oshirishga xizmat qiladi.

Amalga oshirilayotgan ishlar aholi iste’molchilari tomonidan mamnuniyat bilan kutib olinmoqda.

Sergeli tumanidagi bunday ishlar belgilangan reja asosida bosqichma-bosqich davom ettiriladi.

“Hududgaz Poytaxt” GTF Matbuot xizmati