Jamoa shartnomasi targ‘ibotiga bag‘ishlangan tadbir o‘tkazildi

“Hududgaz Poytaxt” GTFning “Shayxontohurtumangaz” gaz ta’minoti bo‘limi jamoasi ishtirokida 2026–2028-yillarga mo‘ljallangan Jamoa shartnomasi mazmun-mohiyatini xodimlarga yetkazish bo‘yicha targ‘ibot tadbiri o‘tkazildi.

Unda Jamoa shartnomasi xodimlarning mehnat huquqlari, ijtimoiy kafolatlari va mehnat sharoitlarini ta’minlashga qaratilgan muhim hujjat ekani ta’kidlandi.

Tadbir davomida ish haqi va qo‘shimcha to‘lovlar, moddiy rag‘batlantirish, mehnat ta’tillari, ijtimoiy yordamlar, sog‘liqni saqlash, xodimlar hamda ularning farzandlari uchun dam olish, sport va madaniy tadbirlar, shuningdek, mehnatni muhofaza qilish va xavfsizlik choralariga oid belgilangan kafolatlar haqida ma’lumot berildi.

Shuningdek, Jamoa shartnomasi ijrosi ustidan kasaba uyushmasi tomonidan doimiy nazorat olib borilishi qayd etildi.

“Hududgaz Poytaxt” GTF
Matbuot xizmati