Hurmatli iste’molchilar!

Toshkent shahri Mirobod tumani “Yangi Mirobod” MFY, Kichik Beshyog‘och ko‘chasida 2026-yil 23-sentabr kuni yer osti o‘rta bosimli gaz quvurida gaz sizib chiqishi holati aniqlandi.

Avariyani bartaraf etish maqsadida quyidagi iste’molchilarning gaz ta’minoti vaqtincha to‘xtatildi:

— Mirobod tumani Kichik Beshyog‘och ko‘chasidagi 5 ta ko‘p qavatli uy — 720 ta xonadon va 6 ta ulgurji iste’molchi;

— Yakkasaroy tumani “Damariq” MFY hududidagi 25 ta ko‘p qavatli uy — 920 ta xonadon va 6 ta ulgurji iste’molchi.

Avariya holati bartaraf etilgandan so‘ng, iste’molchilar ogohlantirilib, gaz ta’minoti bosqichma-bosqich tiklanadi.

Noqulayliklar uchun uzr so‘raymiz.

“Hududgaz Poytaxt” GTF Matbuot xizmati