Qoʻqon shahrida 6 mlrd soʻmlik tabiiy gazdan noqonuniy foydalanish holati fosh etildi

“Hududgaztaʼminot” AJ boshqaruv raisining tegishli topshirigʻi bilan joylarda tabiiy gazdan noqonuniy foydalanish holatlarini aniqlash va ularni oldini olishga qaratilgan nazorat tadbirlari davom ettirilmoqda.

Fargʻona viloyati gaz taʼminoti filiali komplayens nazorat tuzilmalari va hamkor tashkilotlar ishtirokida Qoʻqon shahrida oʻtkazilgan reyd vaqtida qonunbuzilish holati aniqlandi.

Shaharning “Qaymoqli guzar” MFYda joylashgan, fuqaro I.Z. ga qarashli ovqatlanish maskanida xatlov oʻtkazilganda, isteʼmolchi tabiiy gazdan noqonuniy foydalanib kelayotgani maʼlum boʻldi. Holat boʻyicha dalolatnoma tuzilib, 6 milliard soʻmlik tabiiy gaz hajmlari qayta hisob-kitob qilindi.

Noqonuniy holat boʻyicha barcha hujjatlar huquqni muhofaza qiluvchi organlarga yuborildi.

Batafsil

💬Facebook |👉Telegram |▶️ YouTube |📷Instagram |📱 X |🌐 hududgaz.uz