Hilola Umarova

Universitet rivojining ustuvor yo‘nalishlari muhokama qilindi

👍 Nizomiy nomidagi O‘zbekiston milliy pedagogika universitetida Rektor boshchiligida navbatdagi yig‘ilish o‘tkazildi.

✅ Yig‘ilishda universitet faoliyatini yanada rivojlantirishga qaratilgan muhim masalalar muhokama qilindi.

📖 Xususan, universitetning xalqaro reytinglardagi o‘rnini mustahkamlash va ilmiy salohiyatini oshirish, xalqaro hamkorlik aloqalarini kengaytirish hamda qo‘shma ta’lim dasturlarini rivojlantirish bo‘yicha amalga oshirilayotgan ishlar ko‘rib chiqildi.

😄 Shuningdek, universitetda olib borilayotgan transformatsiya jarayonlarining bugungi holati, belgilangan vazifalar ijrosi va kelgusidagi ustuvor yo‘nalishlar yuzasidan fikr almashildi.

✨ Yig‘ilish yakunida muhokama qilingan yo‘nalishlar bo‘yicha mas’ullarga tegishli vazifalar belgilab berildi.

Biz ijtimoiy tarmoqlarda:
Veb-sayt | Telegram | Instagram | You Tube | Facebook

Kompetensiyaga asoslangan pedagogik amaliyot modeli taqdim etildi
 
⚡️YUNESKO bilan hamkorlikda tashkil etilan SmartEd loyihasi doirasida pedagogik amaliyotni takomillashtirishga bag‘ishlangan tadbir bo‘lib o‘tdi.

😄 Tadbir davomida O‘zbekiston uchun ishlab chiqilgan kompetensiyaviy yondashuvga asoslangan 4+2 tartibidagi pedagogik amaliyot modeli taqdim etildi.

Model talabaning universitetda olgan nazariy bilimlarini maktabdagi amaliy faoliyati bilan uzviy bog‘lash, pedagogik ko‘nikmalarini bosqichma-bosqich shakllantirishga qaratilgan.

✅ Shuningdek, xalqaro ekspert Eleyn Sharplin boshchiligida pedagogik amaliyot yo‘nalishda universitetimiz va 12 ta pedagogika oliygohlari mutaxassislari, shuningdek, ularga biriktirilgan maktab o‘qituvchilari ishtirokida mashg'ulotlar tashkil etiladi.

Biz ijtimoiy tarmoqlarda:
Veb-sayt | Telegram | Instagram | You Tube | Facebook

Talabalar turar joyida yashayotgan yigit-qizlarimiz holidan xabar oldik. Bir guruh xorijlik hamda birinchi bosqich talabalari bilan muloqot qildik, muammolarini oʻrgandik, takliflarini eshitdik.

Uzoq viloyatlardan kelib, talabalar uyiga joylashgan, oilasidan uzoqda yashay boshlagan yoshlarimiz poytaxt va universitet hayotiga koʻnikib ketishi oson emas. Biz jamoamiz, ustozlar bilan birga ularni qoʻllab-quvvatlab, muammolarini hal etishga koʻmaklashishimiz kerak.

Talabalar yotoqxonada ochiq muloqotlar, uchrashuvlar, turli madaniy-ma’rifiy tadbirlar tashkil etish taklifini bildirdi. Kelgusida bularning barchasini birgalikda oʻtkazamiz. Buning uchun barchangizdan faollik kutamiz.

@hilola_umarova

#auditoriyamiz_afsonalari

“Auditoriyamiz afsonalari” ruknida tayyorlagan videolarimizni koʻrib boryapsizmi, sizlarga ma’qulmi?

Bugungi qahramonimiz – adabiyotshunos, tarjimon, O‘zbekistonda xizmat ko‘rsatgan fan arbobi, professor Natan Mallayev. Bugun olimning ilm yo‘lidagi xizmatlari, shogirdlar bilan munosabati, ibratli hayot yoʻlini eslaymiz.

Universitetimizda tahsil olgan, keyinchalik uzoq yillar talabalarga dars bergan olimning ilm-fanga xizmati katta. Birgina misol: uning maktablar uchun yozgan “O‘zbek adabiyoti tarixi” darsligi 30 marotaba qayta chop etilgan. Shuningdek, olim oliy o‘quv yurtlari uchun birinchi “O‘zbek adabiyoti tarixi” darsligini yozgan, o‘zbek mumtoz adabiyoti va folklori boʻyicha qimmatli tadqiqotlar olib borgan.

Umid qilamizki, Natan Mallayevning yaqin shogirdlaridan biri Hamidjon Homidiy tilidan aytilgan xotiralar, voqealar sizlarga ham qiziq, ibratli.

Ilm yo‘lida jo‘nlikdan, murabbiylikda nopoklikdan, munosabatlarda ta’magirlikdan, obro‘ yoki mansab uchun laganbardorlikdan yiroq olim – Natan Mallayevni eslash, ilmiy merosini oʻrganish va davom ettirish lozim.
 
Video sun’iy idrok yordamida tayyorlandi.

@hilola_umarova

Yaponiya bilan hamkorlik: Hokkaydo universiteti vakillarining universitetimizga tashrifi yakunlandi

👍 Yaponiyaning Hokkaydo universiteti rahbariyati, professor-o‘qituvchilari, tadqiqotchilari va talabalari Nizomiy nomidagi O‘zbekiston milliy pedagogika universitetida bo‘lishdi.

✅ Tashrif davomida yaponiyalik vakillar universitetimiz hayoti, ta’lim jarayoni va O‘zbekistonning boy madaniy muhiti bilan tanishish, tajriba almashish hamda yangi do‘stona aloqalar o‘rnatish imkoniga ega bo‘ldilar.

✨ Bugun tashrifning yakuniy tadbiri o‘tkazilib, unda Hokkaydo universiteti vakillariga faol ishtiroki uchun sertifikatlar topshirildi.

Biz ijtimoiy tarmoqlarda:
Veb-sayt | Telegram | Instagram | You Tube | Facebook