Ширкати намояндаҳои Бонки ҷаҳонӣ дар ҳамоиши сармояи венчурӣ дар Душанбе
 
Гурӯҳи Бонки Ҷаҳонӣ ҳамроҳ бо Ҳукумати Тоҷикистон ва шарикон дар Ҳамоиши шарикии давлат ва бахши хусусӣ (ШДБҲ) ва Ҳамоиши сармояи венчурӣ иштирок кард. Дар ин ҳамоишҳо роҳҳои рушди стартапҳо ва корхонаҳои хурд, лоиҳаҳои ШДБХ ва инчунин таъсиси ҷойҳои корӣ баррасӣ шуданд.
 
Фаъолияти Гурӯҳи Бонки Ҷаҳонӣ дар минтақа сармоягузориҳои Корпоратсияи байналмилалии молия (IFC) ва дастгирии зерсохтори молиявии рақамӣ ва корхонаҳои микро, хурд ва миёнаро аз марҳилаи инкубатсия то давраи рушд дар бар мегирад. Сармоягузориҳои IFC дар Осиёи Марказӣ як фонди венчурӣ ва ду фонди минтақавии сармояи хусусиро фаро мегиранд.
 
Дар Ҳамоиши шарикии давлат ва бахши хусусӣ роҳбари Гурӯҳи Бонки Ҷаҳонӣ дар Тоҷикистон Гаэл Рабаллан дар бораи гузаштан аз гуфтугӯ ба татбиқи лоиҳаҳои амалӣ сухан гуфт. Ӯ консессияи соли 2002-и «Помир Энерҷӣ»-ро ҳамчун яке аз намунаҳои аввалини ҳамкории дороиҳои давлатӣ, сармоягузории хусусӣ ва маблағгузории рушд зикр кард. Гурӯҳи Бонки Ҷаҳонӣ ҳамкориро бо шарикони давлатӣ ва хусусӣ идома хоҳад дод, то ба рушди корхонаҳо ва таъсиси ҷойҳои корӣ дар Тоҷикистон мусоидат кунад.

📱 Обуна шавед — Ҳамдастӣ
📱Ба Тик Токи мо обуна шавед