“Роҳи оҳани Тоҷикистон” ва "Expertise France" бо эъломияи муштарак ҳамкорӣ мекунанд
 
Мулоқоти Сардори Роҳи оҳани Тоҷикистон бо намояндагони Агентии давлатии Фаронса оид ба ҳамкориҳои байналмилалии "Expertise France" дар робита ба оғози татбиқи барномаи "Долони нақлиётии Транскаспий" барпо шуд.
 
Зимни вохӯрӣ ҷонибҳо масъалаҳои муҳими соҳаи нақлиёт, аз ҷумла рушди долонҳои байналмилалии нақлиётӣ, рушди инфрасохтори нақлиётӣ, инчунин имкониятҳои расонидани кӯмаки техникиро муҳокима карданд.
 
Аз ҷониби КВД «Роҳи оҳани Тоҷикистон» ба масъалаҳои рушди инфрасохтори роҳи оҳан, баланд бардоштани сатҳи бехатарӣ ва эътимоднокии он, инчунин истифодаи усулҳо ва технологияҳои муосир дар самти ташхис, санҷиш ва назорати ҳолати техникии иншооти роҳи оҳан таваҷҷуҳи махсус зоҳир карда шуд.
 
Дар натиҷа, Эъломияи муштарак оид ба оғози кӯмаки фаннӣ барои азаназаргузаронӣ ва арзёбии ҳолати пулҳои афзалиятноки роҳи оҳани Тоҷикистон дар доираи долони нақлиётии Транскаспий бо ширкати мазкур ба имзо расид.

📱 Обуна шавед — Ҳамдастӣ
📱Ба Тик Токи мо обуна шавед