Роҳнамоии сафири Британия Кабир дар Тоҷикистон барои интихоби касби дипломатӣ аз сӯи бонувони тоҷик

Барои дипломат шудан чӣ лозим аст? Оё занон метавонанд роҳбариро бо масъулиятҳои оилавӣ ҳамоҳанг созанд? Ва чӣ тавр духтарони ҷавон метавонанд дар ташаккули қарорҳое, ки ба ҷомеа таъсир мерасонанд, саҳм гузоранд?

Инҳо аз ҷумлаи саволҳое буданд, ки дар ҷаласаи дипломатии «Духтарон ҳамчун роҳбарон ва дипломатҳои оянда», ки аз ҷониби Сафорати Британияи Кабир дар доираи форуми «Қудрат дар ояндаи ӯ» ба муносибати Рӯзи байналмилалии духтарон баргузор гардид, мавриди баррасӣ қарор гирифтанд.

Сафир Кэтрин Смиттон аз таҷрибаи дипломатии худ нақл намуда, дар бораи ӯҳдадории устувори Британияи Кабир ҷиҳати пешбурди баробарии гендерӣ ва дастгирии роҳбарии занон тавассути фароҳам овардани имкониятҳои бештар барои занону духтарон дар мақомҳои роҳбарӣ суханронӣ намуд.

«Овози шумо на танҳо бояд дар толорҳое, ки қарорҳо қабул мешаванд, шунида шавад. Шумо инчунин метавонед ба беҳтар гардидани ин қарорҳо мусоидат намоед.» - Сафир Кэтрин Смиттон

📱 Обуна шавед — Ҳамдастӣ
📱Ба Тик Токи мо обуна шавед