Ҳаводиси нохуш дар семоҳаи сеюми соли ҷорӣ баррасӣ шуд

Ахиран ҷаласаи ҳайати Мушовараи Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон таҳти раёсати муовини якуми Хадамот Мирзозода Ардашер баргузор гардид. Дар ҷаласа масъалаи баррасии ҳодисаҳои нохуши истеҳсолии дар семоҳаи сеюми соли 2026 дар корхонаву ташкилотҳои кишвар ба қайд гирифташуда мавриди муҳокима қарор гирифт.

Зимни ҷаласа ҳодисаҳои боиси талафоти ҷонӣ ва ҷароҳатбардории кормандон дар як қатор корхонаҳои саноатӣ, кӯҳӣ ва дигар иншооти истеҳсолӣ баррасӣ карда шуданд. Дар кори ҷаласа роҳбарияти Хадамот, сардорони раёсату нозироти соҳавӣ ва минтақавӣ, инчунин намояндагони корхонаву ташкилотҳое, ки дар онҳо ҳодисаҳои нохуш рух додаанд, иштирок намуданд.

Дар фарҷоми ҷаласа масъалаҳои марбут ба пешгирии ҳодисаҳои нохуши истеҳсолӣ, риояи талаботи бехатарии меҳнат ва баланд бардоштани масъулияти роҳбарону кормандони корхонаҳо таъкид гардиданд.

📱 Обуна шавед — Ҳамдастӣ
📱Ба Тик Токи мо обуна шавед