“Моҳӣ барои Черчилл” дар озмуни “Тоҷи Сомон”
 
Ба озмуни филмҳои III Синамоҷоизаи миллии «Тоҷи Сомон» зиёда аз 80 филми ҳунарӣ, мустанад ва аниматсионӣ пешниҳод гардидааст. Ҳакамони озмун аз миёни онҳо беҳтарин филмҳоро интихоб намуда, барои дарёфти ҷоизаҳо ба рақобат гузоштаанд.
 
Натиҷаи ниҳоии озмун 19 октябр дар маросими ҷоизасупорӣ, ки дар Театри давлатии академии опера ва балети Тоҷикистон ба номи Садриддин Айнӣ баргузор мегардад, эълон хоҳад шуд.
 
«Моҳӣ барои Черчилл» филми нави ҳунарии истеҳсоли Муассисаи давлатии «Тоҷикфилм» буда, дар асоси ҳикояи ҳамноми нависанда Холмурод Шарифов таҳия шуда, ба 80-солагии Ғалаба дар Ҷанги Бузурги Ватанӣ (1945–2025) бахшида шудааст.
 
Коргардонҳои филм Нигина Раҷабова ва Орзу Шарифов мебошанд. Ёдовар мешавем, ки III Синамоҷоизаи миллии «Тоҷи Сомон» аз 15 то 20 октябри соли 2026 дар шаҳри Душанбе баргузор мегардад.

📱 Обуна шавед — Ҳамдастӣ
📱Ба Тик Токи мо обуна шавед