Рӯзи 17 октябр дар Боғи фарҳангию фароғатии ба номи Абулқосим Фирдавсии пойтахт Ҷашни Меҳргон бо шукӯҳи хоса таҷлил мегардад.
Тибқи иттилои Вазорати кишоварзӣ, дар баробари ин иди бостонӣ, ҳамчунин Фестивал-намоиши техникаи кишоварзӣ, фестивалҳои асалу занбӯрпарварӣ, «Оши палов», шолию биринҷ ва намоиши тарбузу харбуза, каду, себ ва ангур доир мегарданд.
Дар чорабинӣ дастранҷи деҳқонон бо нархҳои дастрас пешниҳод шуда, ҳунарҳои мардумӣ ва хӯрокҳои миллӣ манзури сокинону меҳмонон карда мешаванд. Меҳргон ҳамчун рамзи фаровонҳосилӣ ва шукргузорӣ аз неъматҳои табиат мувофиқи қарори Ҳукумати кишвар ҳамасола ба ҳайси иди миллӣ таҷлил мегардад.
📱 Обуна шавед — Ҳамдастӣ
📱Ба Тик Токи мо обуна шавед