Дар Душанбе масъалаҳои бозгашти ихтиёрии муҳоҷирон аз Олмон баррасӣ гардиданд

Муовини вазири меҳнат, муҳоҷират ва шуғли аҳолии Ҷумҳурии Тоҷикистон Шариф Норзода бо намояндагони Барномаи бозгашти ихтиёрӣ ва реинтегратсияи Созмони байналмилалии муҳоҷират (IOM) дар Олмон (AVRR) мулоқот намуд.

Зимни нишаст ҷонибҳо масъалаҳои бозгашти ихтиёриву бехатари шаҳрвандон, дастгирии онҳо тавассути касбомӯзӣ ва фароҳам сохтани шароити мусоид барои реинтегратсия дар ҷомеаро баррасӣ карданд. Муовини вазир аҳамияти таҳкими ҳамкориҳои байналмилалиро дар самти идоракунии муҳоҷират ва ҳимояи ҳуқуқи муҳоҷирон таъкид намуда, омодагии кишварро барои идомаи муносибатҳои шарикӣ иброз дошт.

📱 Обуна шавед — Ҳамдастӣ
📱Ба Тик Токи мо обуна шавед