Директори Институти омӯзиши пиряхҳо ва криосфераи Академияи миллии илмҳои Тоҷикистон Рамазон Раҳмонзода ва ходими пешбари илмии ин институт Ҷамшед Толиҳов дар як матлабе, ки дар расонаҳои маҳаллӣ чоп шудааст, ибрози назар кардаанд.
Олимони тоҷик таъкид намуданд, ки давоми 35 соли Истиқлоли давлатӣ бо ташаббусҳои Президенти Ҷумҳурии Тоҷикистон Эмомалӣ Раҳмон масъалаи об ва ҳифзи пиряхҳо ба рӯзномаи глобалии СММ ворид гардид. Соли 2025 «Соли байналмилалии ҳифзи пиряхҳо» ва солҳои 2025–2034 «Даҳсолаи амал барои илмҳои криосфера» эълон шуда, Раванди оби Душанбе ба майдони асосии муколамаи байналмилалӣ табдил ёфт.
Бо таваҷҷуҳ ба об шудани 1300 пиряхи кишвар ва болоравии ҳарорат, Тоҷикистон ба омӯзиши илмӣ ва мониторинги рақамии пиряхҳо аҳаммияти махсус медиҳад. Ҳамчунин, тибқи барномаҳои давлатӣ пешбинӣ шудааст, ки то соли 2040 дастрасии аҳолӣ ба оби мутамаркази ошомиданӣ ба 90 фоиз расонида шуда, таъсиси Ҷоизаи байналмилалии Президенти Тоҷикистон дар соҳаи об ба рушди ин самт такони нав хоҳад бахшид.
📱 Обуна шавед — Ҳамдастӣ
📱Ба Тик Токи мо обуна шавед