Роҳҳои "Шаҳраки донишҷӯён" ё ба истилоҳ "Ҷазира" обод мегардад

Роҳи нав аз паҳлӯи донишгоҳ аз ҷониби дарёи Душанбе имрӯз навгонии муҳим барои онҳоест, ки зиёда аз 40 сол фақат ба як роҳ вориди шаҳрак мешуданд. Акунун пули нав болои дарё манзараи наву диданиро ба вуҷуд овардааст. Тамбашавии роҳи ягона хеле паст гардид.
Шояд бештар аз 40 сол ба шаҳраки донишшҷӯён танҳо як роҳ вуҷуд дошт.

Дар заминаи ободкориҳои Пешвои миллат муҳтарам Эмомалӣ Раҳмон ва Раиси шаҳри Душанбе мӯҳтарам Рустами Эмомалӣ дар ин ҳудуд Варзишгоҳи миллӣ имрӯз ҳашамат дорад. Бо баракати он шаҳрак симои худро торафт тағйир дода истодааст. Аз ҷумла, имрӯз паҳлӯи ҳамшафат бо донишгоҳ торафт зебо мегардад.

Чун саҳни ҳавлии донишгоҳ инҷо бо тасмими раёсати донишгоҳ корҳо бо ҷӯшу хурӯш идома доранд. Ҳама партовҳо (сангу шағал, хасу хошок) аз инҷо берун карда шуданд. Бо дастури раҳбарияти МИҲД шаҳри Душанбе аз паҳлӯи дигари дарё роҳи нав сохта мешавад.

Роҳравҳои зебо, гулу гулбуттаҳо, сабзазору ниҳолҳои нав пайдо шуда истодаанд. Байни арчазорҳо тоза шудаву гулкорӣ мегардад. Қисмати болоии донишгоҳ (шимол) маҳаллаи Лучоб низ пурра дигар гаштааст. Имсол дар онҷо дар баробари майдонҳои гулу сабза таваққуфгоҳи нав бунёд ёфт.

📱 Обуна шавед — Ҳамдастӣ
📱Ба Тик Токи мо обуна шавед