​Илова созламаларидаги маълумотни тозалаш нимани англатади?

Ҳар бир Android қурилма созламаларида иловалар менежери мавжуд ва у орқали смартфонингизда ўрнатилган барча иловаларни кўришингиз, ўчиришингиз, кеш ва маълумотларини тозалашингиз мумкин.

Иловаларда тозалаш мумкин бўлган иккита асосий файл тури мавжуд:

— Кеш файллари илова томонидан вақтинча юкланган файллар. Мисол учун, Telegram мессенжеридаги ёзишмаларда овозли хабар, расм ва видео файллар олдиндан юкланади. Кейин бу файллар кеш файллари сифатида сақланади. Кешни тозалашдан сўнг, илова вақтинча фойдаланиш учун сақлаган барча файлларни қайта юклаши керак бўлади. (Android тизимида иловаларда Кеш нима?)

— Маълумотлар иловада сақланадиган муҳим маълумотлар ҳисобланади. Улар кириш маълумотлари (логин, парол), илова созламалари ва бошқаларни ўз ичига олади. Илова маълумотларини тозалаш, бу иловани ўчириб яна қайта ўрнатишга ўхшайди. Иловада сақланган ҳамма нарса тозаланади ва у янги ўрнатилгандек ишлайди.

Масалан, Telegram иловаси маълумотларини тозаласангиз, унда аккаунтингизга яна қайтадан киришингиз керак бўлади (ёзишмалар ва контактлар серверда сақлангани учун улар қайта тикланади).
Одатта илова маълумотларини тозалаш, турли хил муаммолар туфайли иловадан деярли фойдаланиб бўлмай қолган вазиятларда кескин чора сифатида қўлланилади.

Мавзуга оид каналимиздаги қўшимча маълумот:
• Telegram кеш файлларини қўлда ёки автоматик ўчириш
• Смартфон хотирасидаги "Бошқа" (другое) бўлими нима билан банд?

#маълумот