Эрон нефть вазири Муҳсин Пакнежоднинг истеъфосига мамлакат энергетика соҳасидаги чуқур тизимли инқироз, нефть экспортининг кескин пасайиши ва санкция остидаги хомашёни сотишдан тушаётган миллиардлаб долларларни тақсимлаш бўйича кескин низолар сабаб бўлган — Iran International.
Эрон президенти маъмуриятининг жамоатчилик билан алоқалар бўйича ўринбосари Табатабоий расман вазирнинг кетишини «шахсий муаммолар» билан изоҳлаган. Бироқ нашр манбалари вазирликка кучли сиёсий босим ўтказилганини билдирмоқда.
Истеъфога олиб келган асосий омиллардан бири сифатида АҚШ чекловларини четлаб ўтиб, нефтьни яширин воситачилар орқали сотиш механизмларида шаффофлик йўқлиги кўрсатилмоқда.
Нашрга кўра, айнан ёқилғи таъминотини барқарорлаштира олмаслик ҳукумат учун «сўнгги томчи» бўлган.
@Geointriga_uz