Эрон расмийлари янги ҳужумлар аввалгисидан ҳам кучлироқ бўлиши мумкинлигини кутмоқда. Бироқ Теҳронда Эрон Қуролли кучлари бундай ҳужумларга жавоб қайтара олишига ишонч билдирилмоқда. Агентлик суҳбатдошининг айтишича, мамлакатдаги иқтисодий вазият жуда оғир, аммо Эрон унга мослашмоқда.

Bloomberg маълумотларига кўра, Эронда инфляция 90 фоизга яқинлашган. Эрон риёли сўнгги икки ойда долларга нисбатан қийматининг қарийб чорак қисмини йўқотган.

Агентлик, шунингдек, сентябрь ойида Эрон можаро бошланганидан бери биринчи марта танкерларга нефть юкламаганини таъкидламоқда. Шу билан бирга, мамлакат Хитойга нефть етказиб беришни давом эттирмоқда ва экспортнинг бир қисмини қуруқликдаги чегаралар орқали йўналтирган.

Bloomberg сўров ўтказган экспертлар Эрон Ҳурмуз бўғозини қай даражада назорат қилаётгани борасида турлича фикр билдирган. Бироқ агентлик тўплаган статистика Форс кўрфази давлатларидан нефть етказиб бериш аста-секин тикланаётганини кўрсатмоқда. JPMorgan маълумотларига кўра, экспорт ҳозир кунига 17,5 миллион баррелга етган — урушдан олдинги даражанинг 98 фоизи.