Тошлоқ тумани ИИБ Ҳуқуқбузарликлар профилактикаси бўлими профилактика хизмати ходимлари иштирокида йиғилиш ўтказилди.
Унда Фарғона вилояти ИИБ ҲПБ бошлиғи томонидан ПК-314-сонли қарорнинг мазмун-моҳияти, унда белгиланган вазифалар ва уларни амалиётга тўғри татбиқ этиш масалалари ходимларга атрофлича тушунтирилди.
Шунингдек, жорий йилнинг 9 ойи давомида профилактика хизмати томонидан амалга оширилган ишлар, эришилган натижалар ҳамда фаолиятда йўл қўйилган камчиликлар танқидий-таҳлилий муҳокама қилинди.
Йиғилиш якунида аниқланган камчиликларни бартараф этиш, профилактик ишларни янада кучайтириш ва ҳуқуқбузарликларнинг олдини олиш самарадорлигини ошириш юзасидан масъул ходимларга тегишли кўрсатма ва топшириқлар берилди.