Bugun O‘zbekiston va Rossiya hududlari Kengashining III yig‘ilishi doirasida “Ikki tomonlama hamkorlikning madaniy-gumanitar yo‘nalishi” mavzusida panel sessiyasi bo‘lib o‘tdi.
🔹Unda Farg‘ona davlat texnika universiteti o‘quv ishlari bo‘yicha prorektori, professor Shohida Hamdamova “Texnologik modernizatsiya va milliy iqtisodiyotni rivojlantirish uchun muhandislik-texnik kadrlar tayyorlash” mavzusida ma’ruza qildi.
🖇Ma’ruzada zamonaviy ishlab chiqarish uchun raqobatbardosh muhandislik kadrlarini tayyorlash, oliy ta’limni ishlab chiqarish bilan uyg‘unlashtirish hamda dual ta’lim imkoniyatlaridan samarali foydalanish masalalariga e’tibor qaratildi.
✨Shuningdek, oliygohda yo‘lga qo‘yilgan dual ta’lim tizimi, yirik sanoat korxonalari bilan hamkorlik, korxonalar huzuridagi kafedra filiallari va talabalarning real ishlab chiqarish muhitida amaliy tajriba orttirishi haqida ma’lumot berildi.
Panel sessiyasida Rossiyaning texnik oliy ta’lim muassasalari bilan qo‘shma ta’lim dasturlari, ikki diplomli dasturlar, akademik mobillik va sanoat buyurtmasi asosidagi amaliy tadqiqotlarni rivojlantirish istiqbollari ham muhokama qilindi.
Bizni kuzating
Telegram | Instagram | Facebook |Web sayt