Bizda nonning uvoli haqida ko‘p gapiriladi. Non yerga tushsa, olib, chetga qo‘yamiz. Eskirgan nonni ham tashlab yubormaslikka harakat qilamiz. Chunki non — rizq, mehnat va ne’mat ramzi.
Ammo nega xuddi shu munosabatni suvga nisbatan ko‘rsatmaymiz?
Jo‘mrakdan oqib turgan suvni o‘chirmaymiz. Mashina yuvish, hovlini tozalash uchun ham ichimlikka yaroqli suvni ishlatamiz.
❗️Eng achinarlisi, biz ba’zan hayot uchun nondan ham muhimroq bo‘lgan ne’matni qadrlashni unutamiz.
Non bizga energiya beradi. Ammo suv bo‘lmasa, organizm bu energiyadan foydalanish va hayotiy jarayonlarni davom ettirishda qiynaladi.
Ilmiy jihatdan inson ovqatsiz bir necha hafta yashashi mumkin, ammo suvsiz qolish ko‘pincha bir necha kun ichidayoq hayot uchun xavf tug‘diradi.
Yana bir muhim jihat: biz dasturxonga qo‘yadigan bir burda nonning o‘zi ham suvga bog‘liq. Bug‘doy yetishtirish, xamir qorish va non pishirish jarayonlarida suv ishlatiladi. Demak, nonni qadrlashning o‘zi ham suvni qadrlashni talab qiladi.
Biz nonning uvolidan qo‘rqishni qadriyatga aylantirganmiz. Endi suvning uvolidan qo‘rqishni ham o‘rganishimiz kerak! Chunki suv tugab qolganda uning qadrini anglash kech bo‘lishi mumkin.
🔝 @foydali_moliya — obuna bo‘ling