Файзбоғ (ТемурМалик)

Санкт-Петербург ва Ленинград вилояти дронлар ҳужумига учради. Нишонлар орасида VK дата-марказлари ҳам бор

Санкт-Петербург ва Ленинград вилоятидаги дронлар ҳужуми оқибатида бир киши ҳалок бўлди, беш киши жароҳатланди. Бу ҳақда шаҳар губернатори Александр Беглов маълум қилди.

Унинг сўзларига кўра, Санкт-Петербургда 12 та кўп қаватли ва иккита турар жой биносига зарар етган. “Петербург нефт терминали“, “Ручьи“ нефт базаси ва Колпино туманидаги саноат омборларида ёнғинлар чиққан. Янино аҳоли пунктида қарийб 20 минг киши электр таъминотисиз қолган.

Украина дронлари, шунингдек, Россиянинг машҳур интернет платформаси VK компаниясининг маълумотлар маркази ва Ozon логистика марказига ҳам ҳужумлар уюштирган. Ozon омбори ходимлари эвакуация қилинган, жабрланганлар йўқ, дейилади расмий баёнотда.

Аввалроқ Володимир Зеленский Украина Россиядаги нефтни қайта ишлаш заводларига ҳужумларни тиклашини маълум қилган эди. Унинг айтишича, Россиядаги нефтни қайта ишлаш заводларига ҳужум қилишга қўйилган тақиқ бекор қилинган. Зеленский Украина АҚШнинг илтимосига кўра, уч кун давомида Россиянинг энергетика объектларига ҳужум қилмаганини, бироқ Москва Украина энергетика инфратузилмасига зарбалар беришда давом этганини билдирган. “Сўнгги бир ҳафтада бундай ҳужумлар оқибатида 100 дан ортиқ тинч аҳоли вакили ҳалок бўлди”, деди Украина президенти.

🔥@fayzboguz

Янги Kia Sonet Prime — ёрқин услуб ва ҳар кунлик қулайлик! 🚘

Энди қулай муддатли тўлов шартларида:
🔥 Ойлик тўлов — 5 997 778 сўмдан
✔️ Бошланғич тўлов — 60%
✔️ Муддат — 18 ой | Йиллик 0% ставка
Бепул тест-драйвга ёзилинг ва тўлов жадвалини олинг!

📍 Kia Yakkasaroy
📞 +998 (55)500-86-68
Шартлар индивидуал ҳисобланади. Суғурта мажбурий.

Реклама

Янги СИ маҳсулотим. Бу сафар қўшиққа мультик ишладим)

Кўриб чиқинглар, лайк, изоҳларга хурсанд бўламан.

Тўлиқ видео:
👉 https://youtu.be/u-_OB4TLxVs?si=Ru5KZrZvtYT-vMsa

#kunmavzusi

АҚШ–Россия яқинлашуви, Зеленский қаршилиги ва ҳусийларнинг зарбалари — халқаро сиёсат дайжести

Трамп Россияга қарши санкцияларни юмшатиб, Путин билан Россия дизелини етказиб беришга келишди.

Зеленский эса АҚШ каби қудратли ҳамкорини йўқотаётганидан афсусдалигини, аммо таслим бўлиш ёки ўз юртини сотишни хаёлига ҳам келтирмаётганини айтди.

Шунингдек, бугунги видеомиз давомида Украина “Яндекс” ва “Сбербанк”нинг маълумотлар марказларига зарбалар бергани, Яман ҳусийлари Саудия Арабистонига ҳужумларни кучайтиргани, эндиликда Ўзбекистон фуқаролари Қозоғистонга кириши учун электрон рухсатнома талаб этилиши ва бошқа маълумотлар ҳақида билиб оласиз.

Шу ва бошқа хабарларни “23,5° бурчак остида” Youtube саҳифасида томоша қилинг. Каналимизни кузатиб боринг, видеоларимиз ёқса лайк ва изоҳ қолдиришни унутманг.

Тўлиқ видео:
👉 https://youtu.be/s2jxl-TITRA?si=twBCpFIdUj3vY21g

Яман ҳусийлари Саудия Арабистонига ҳужумларни кучайтирди. Ар-Риёд Покистон ва АҚШдан ёрдам кутмоқда

Саудия Арабистонидаги Ар-Риёд халқаро аэропортига 10 октябр куни ҳусийлар томонидан ҳужум уюштирилди. Бу бир ҳафта ичида ушбу аэропортга қилинган учинчи ҳужум ҳисобланади.

Reuters агентлигининг хабар қилишича, бунинг оқибатда камида 12 киши ҳалок бўлди. Қурбонлар орасида тўрт нафар саудиялик, икки нафар бангладешлик ҳамда АҚШ, Иордания, Фаластин, Сурия, Судан, Миср фуқаролари бор. Жароҳатланганлар сони 309 нафарни ташкил этмоқда, айримларининг аҳволи оғир.

"Касалхоналар тез ёрдам машиналари ва вертолётларда олиб келинган ярадорлар билан тўлиб кетган", деди вазиятдан хабардор манба.

Шу ҳафтада Ар-Риёддаги Қирол Холид халқаро аэропортига уюштирилган олдинги икки ҳужум оқибатида тўрт киши ҳалок бўлди ва учиш-қўниш йўлагида турган Саудия Арабистони тижорат самолётига жиддий зарар етди. Саудия Арабистони расмийлари ҳужум учун жавобгарликни Яман ҳусийларига юклади. Ҳусийлар Х ижтимоий тармоғида самолётлар Саудиядан кетиши кераклигини айтиб, уни “ҳарбий амалиётлар ҳудуди” деб эълон қилди.

Ҳусийлар медиа офиси раҳбари ҳужумдан сўнг ҳаракат "Ар-Риёд халқаро аэропортини ёпиб қўйганини" айтди. Душанба куни ҳусийлар йўловчи самолётлари Саудия Арабистони ҳаво ҳудудини айланиб ўтишлари кераклигини айтиб, ушбу ҳудудни ҳарбий операциялар зонаси деб эълон қилганди.

Бундан ташқари, Saudi Aramco нефт компаниясининг бош қароргоҳи ҳужумга учради. Саудия Арабистони ҳукумати Saudi Aramco давлат нефт компаниясининг Заҳрон шаҳридаги бош қароргоҳига ҳужум уюштирилганини тасдиқлади. Мамлакат Энергетика вазирлиги баёнотига кўра содир бўлган ҳужум оқибатида мажмуа ҳудудида ёнғин юзага келган. Ҳодисада ҳеч ким жабрланмаган.

Reuters'нинг Saudi Aramco компаниясидаги манбасига таяниб хабар беришича, мажмуа биноларидан бирига баллистик ракета келиб теккан ва унинг юқоридаги уч қаватига зарар етказган.

Саудия Арабистонида Яман ҳусийларининг навбатдаги ҳужумларини қайтариш учун ҳаво ҳужумидан мудофаа ракеталари захираси тугаб бормоқда. Мамлакат ҳукумати ҳаво мудофаа тизимларини қироллик саройлари ва энергетика обектлари ўртасида қайта тақсимламоқда. Бу ҳақда The Wall Street Journal вазиятдан хабардор манбаларига таяниб хабар берди.

"Ар-Риёд ҳарбий иттифоқчиси Покистондан бу масалада ёрдам сўраган ва бошқа давлатлардан ҳам ҳаво мудофааси учун зарур воситаларни сотиб олиш имкониятларини ўрганмоқда. Шунингдек, Саудия Арабистони Ямандаги иттифоқчиларини қўллаб-қувватлаш учун хорижлик ҳарбийларни жалб қилиш имкониятини ҳам кўриб чиқмоқда", деб ёзмоқда нашр.

Саудия Арабистони валиаҳд шаҳзодаси Муҳаммад бин Салмон Қўшма Штатлардан ҳарбий ёрдам олишга уринмоқда. У ҳатто бунинг эвазига АҚШ иқтисодиётига қарийб 1 триллион доллар инвестиция киритишни ваъда қилган. Бироқ Трамп маъмурияти ҳозирча ҳусийлар ҳужумларига қарши курашда ҳарбий ёрдам кўрсатиш ҳақидаги сўровларни қондирмаяпти ва фақат ҳарбий маслаҳатчилар юбориш билан чекланмоқда.

"Саудия Арабистонининг ҳар қандай ҳарбий жавоби мамлакатни ҳусийлар билан янада чуқурроқ можарога тортиши мумкин. Ҳусийлар эса нисбатан чекланган имкониятлар билан ҳам катта зарар етказа олишини намойиш этган. Шу сабабли Саудия Арабистони можарони дипломатик йўл билан ҳал қилишга тобора кўпроқ интилмоқда. Айни пайтда қироллик Эрон билан мулоқотни ҳам давом эттирмоқда", — деди Форс кўрфази бўйича эксперт Кристиан Коуц Улрихсен.

🔥@fayzboguz

Трамп Newsmax’га берган интервюсида Зеленский ҳақида гапирди:

“Зеленский биз билан ҳамкорлик қилиш учун энг яхши номзод эмас. Менинг фикримча, агар улар бирор бир келишувга эришишса, бу Зеленский билан содир бўлмайди. У келишувни хоҳламаяпти”.

“Мен Зеленскийнинг катта мухлиси эмасман. Мен у билан тил топишиш Путинга қараганда қийинроқ деб ўйлайман”.

“Зеленский русларнинг нефтни қайта ишлаш заводларига зарбалар бериш орқали жаҳон бозорида нефть нархини оширмоқда. Мен буни шармандалик деб ҳисоблайман”.

“Украинага президентлик сайловлари зарур, ракеталар ҳар кун уларнинг турар жой биноларига келиб тушаётгани Украина халқига маъқул деб ўйламайман, ва ҳеч ким менга бунинг тескарисини исботлаб беролмайди”.

🔥@fayzboguz

8 миллион долларлик фирибгарликда банкнинг киберхавфсизлик ходими ҳам қатнашгани айтилмоқда

Тошкентда банклар номидан қўнғироқ қилиб, фуқароларнинг пулларини ўзлаштириш ва уларнинг номига онлайн кредитлар расмийлаштириш билан шуғулланганликда гумонланаётган гуруҳ фаолиятига чек қўйилди. Хабарга кўра, гуруҳ таркибида банклардан бирининг бош офиси киберхавфсизлик бўлими ходими ҳам бўлган.

Тақдим этилган маълумотга кўра, жиноий йўл билан топилган жами 8 миллион АҚШ доллари криптовалюта кўринишида сохта МЧЖ орқали хорижий давлатга чиқарилиб, легаллаштирилган.

🔥@fayzboguz

АҚШни йўқотаётганимиз афсусланарли, аммо биз мамлакатимизни сотмаймиз — Володимир Зеленский

Украина раҳбари Володимир Зеленский мамлакат Қўшма Штатлардек қудратли ҳамкорини йўқотаётгани афсусланарли эканини билдирди. Аммо у таслим бўлишни ёки ўз юртини сотишни хаёлига ҳам келтирмаётганини қўшимча қилди.

Зеленский бу кураш Украина учун бизнес эмас, балки омон қолиш масаласи эканини таъкидлади.

"Биз ўз мамлакатимизни сотмаяпмиз. Бу биз учун бизнес эмас. Бу — бизнинг ҳаётимиз. Бу бизнинг юртимиз, уйимиз ва фарзандларимиздир", — деди Украина етакчиси.

Зеленский Трамп ва унинг атрофидагиларнинг муносабатини изоҳлар экан, улар тарихнинг хато томонини танлаётганига ишонч билдирди.

"Менимча, Трампнинг маслаҳатчилари адашмоқда. Уни ким хато томонга ундаётганини билмайман. Бу — тарихнинг хато томони", — деди у.

Сўнгги пайтларда Киев ва Вашингтон ўртасидаги муносабатларда бироз совуқлашув кузатилди. Аввалроқ Трамп Украинага янги президент танлаш вақти келганини айтганди.

Шу билан бирга, Зеленский ўз лавозимидан кетиш ёки истеъфога чиқиш нияти йўқлигини айтди. У нима учун бундай қарорга келмаслигини ҳам тушунтириб берди. "Бунга сабаб — менинг зиммамдаги масъулият. Албатта, сайлов 2024 йилда ўтказилиши керак эди. Лекин бўлмади. Миллионлаб украиналиклар қочқинликда кун кўрмоқда, бундан ҳам кўпроғи эса фронтда жанг қилмоқда", — деди Украина президенти.

Бундан ташқари, Зеленский Украина Россиядаги нефтни қайта ишлаш заводларига ҳужумларни тиклашини билдирди.

“Етар, энди Россиянинг зарбаларига чидаб турмаймиз”, — деди Украина президенти Володимир Зеленский. Унинг айтишича, Россиядаги нефтни қайта ишлаш заводларига ҳужум қилишга қўйилган тақиқ бекор қилинган.

Зеленскийнинг таъкидлашича, Украина Қўшма Штатларнинг илтимосига кўра, уч кун давомида Россиянинг энергетика объектларига ҳужум қилмаган. Бироқ Москва Украина энергетика инфратузилмасига зарба беришда давом этган. Унинг айтишича, сўнгги бир ҳафтада бундай ҳужумлар оқибатида 100 дан ортиқ тинч аҳоли вакили ҳалок бўлган.

Журналист Украина Вашингтон билан муносабатларни яхшилаш мақсадида, Москва ҳужумларни давом эттирган тақдирда ҳам, Россия нефтни қайта ишлаш заводларига зарбаларни тўхтатиши мумкинми, деб сўради. Бунга жавобан Зеленский Украинага Патриот ҳаво мудофааси тизимлари учун қўшимча ракеталар етказиб берилса, Киев бунга рози бўлиши мумкинлигини айтди.

🔥@fayzboguz

UzPost давлат почтаси Wildberries компаниясига ишончли бошқарувга берилгани маълум бўлди

«Ўзбекистон почтаси» миллий почта оператори (UzPost) акцияларининг давлат пакети Россиянинг Wildberries маркетплейсига қарашли WB INT EXPORT МЧЖга ишончли бошқарувга берилган. Бу 21 сентябрдаги акциядорлар йиғилиши баённомасидан маълум бўлди.

Корпоратив ҳужжатлардаги маълумотлар Давлат активларини бошқариш агентлиги директори Соҳибжон Муродовнинг оммага берган баёнотларига зид келади. 8 октябрдаги матбуот анжуманида у UzPost Wildberries’нинг ишончли бошқарувида эмаслигини айтган. Бироқ 21 сентябрдаги йиғилиш баённомасидан олинган кўчирмада WB INT EXPORT’га акциядор ҳуқуқларини берган ишончли бошқарув шартномаси мавжудлиги аниқ кўрсатилган.

🔥@fayzboguz

Чирчиқда жиноятни яширишга уринган икки ИИБ ходими 6 йилга озодликдан маҳрум қилинди

7 октябрь куни Тошкент вилояти жиноят ишлари бўйича Чирчиқ шаҳар судида жиноятни яширишга уринган икки нафар ИИБ ходими устидан суд ҳукми ўқилди.

Айтилишича, кўпчилик томонидан калтакланган фуқаро ҳолат юзасидан ИИБга мурожаат қилади, бироқ инспектор унга аризани ёпиш эвазига пул таклиф қилади. Ходим калтаклаганлардан 2700 доллар олиб, 1000 долларини фуқарога берган, қолганини эса ҳамкасби билан бўлишган. Суд ИИБ ходимларини 6 йилга озодликдан маҳрум қилди.

P.S. Жиноят содир этишгани етмаганидек, яна орага воситачи сифатида қатнашиб, соққа ҳам ишлаб олишибди азаматлар)

🔥@fayzboguz

Харид комиссияси «Telecom Soft»нинг 10 млрд сўмлик тендерини бекор қилди

Иштирокчилар ўртасида ўзаро боғлиқлик ҳамда мувофиқлаштирилган ҳаракатларни амалга ошириш аломатлари мавжудлиги инобатга олиниб, Харид комиссияси томонидан тендер бекор қилинди.

«Telecom Soft МЧЖ давлат харидларини қонунчилик талабларига қатъий риоя этган ҳолда, шаффофлик, холислик ва адолатли рақобат тамойиллари асосида амалга оширишга устувор аҳамият қаратади», дейилади расмий изоҳда.

🔥@fayzboguz

Бир манзилда жойлашган Хитойнинг икки компанияси «Telecom Soft»нинг 10 млрд сўмлик тендерида ўзаро «рақобатлашди»

«Telecom Soft» МЧЖ йўл ҳаракати қоидаларини автоматик назорат қилиш тизимлари учун ускуналар харид қилиш бўйича тендер ўтказди. Лойиҳанинг бошланғич нархи 10 млрд 316 млн сўмни ташкил этган. Танловда Хитойнинг «HAC Smart Technologies» компанияси 657 минг доллар таклифи билан ғолиб деб топилди. Иккинчи иштирокчи —«HMN Smart» эса 698 минг доллар нарх билан захира ғолиби сифатида қайд этилган.

«Ревизор» каналининг эътибор қаратишича, юқорида номи келтирилган икки компания бош офиси бир манзилда жойлашган: Тянцзин шаҳри TEDA ҳудуди Second Avenue кўчаси 62-уй MSD-B2 биноси.

Танлов комиссияси иккала корхонани ҳам «Манфаатлар тўқнашуви ва аффилланганлик ҳолатлари мавжуд эмаслиги» талаби бўйича «мувофиқ» деб баҳолаган.

Маълумот учун, «Telecom Soft» МЧЖ 2023 йил 14 сентябр куни рўйхатга олинган. Фаолият тури — бошқа тоифаларга киритилмаган профессионал, илмий ва техник фаолият. Компаниянинг 82,54 фоиз улуши «Ўзбектелеком»га тегишли.

🔥@fayzboguz

Электр ва табиий газ бўйича компенсация муддатини 2028 йилгача узайтириш таклиф этилмоқда

Жамоатчилик муҳокамасига қўйилган Президент фармони лойиҳасида ижтимоий ҳимоя қамровини кенгайтириш ва мезонларни аҳоли фойдасига юмшатиш назарда тутилган.

Лойиҳага кўра, электр энергияси ва табиий газ бўйича компенсация олиш учун оиладаги жон бошига ойлик даромад мезонини МИХнинг 1,5 бараваридан 2 бараваригача ошириш таклиф этилмоқда. Кўмир учун ёрдам ва «Саховат ва кўмак» жамғармаси орқали бериладиган ёрдам мезонлари ҳам МИХнинг 1 бараваридан 2 бараваригача оширилиши кутилмоқда.

Шунингдек, базавий меъёр доирасидаги тариф билан ундан ортиқ истеъмол учун белгиланган тариф ўртасидаги фарқни компенсация қилиш муддати 2028 йил 1 апрелгача, кўмир учун ёрдам муддати эса 2029 йил 1 январгача узайтирилиши кўзда тутилмоқда.

Бундан ташқари, Вазирлар Маҳкамасининг алоҳида қарор лойиҳасида 1 ноябрдан аҳоли учун иситиш ва иссиқ сув хизматларига янги тарифлар жорий этиш таклиф этилган.

🔥@fayzboguz

Wildberries, Ozon ва Яндексдан кейин навбат Сбербанкка: Саратов вилоятида “Сбербанк”нинг қурилаётган маълумотлар марказига зарба берилгани айтилмоқда

Россиянинг Саратов вилоятидаги Балаково шаҳрига дронлар ҳужуми уюштирилди. Supernova+ ва Astra Telegram-каналларининг хабар беришича, ҳужум натижасида “Сбербанк”нинг қурилаётган маълумотларни қайта ишлаш маркази (ЦОД) нишонга олинган.

Балаково шаҳрида барпо этилаётган марказ Россиядаги энг йирик маълумотларни қайта ишлаш маркази бўлиши режалаштирилган. Майдони 60 минг квадрат метр бўлган объектда тахминан 120 мингта сервер жойлаштирилиши кўзда тутилган.

🔥@fayzboguz

💰Давлат ишида ёки банкда ишламоқчимисиз?

Бунинг учун таниш билиш қидириш шарт эмас. Фақатгина замонавий билимларни эгаллаш ва энг сўнгги хабарларни доимий кузатиб бориш муҳим.

Агар ҳақиқий пул топишни ва эркин яшашни истасангиз, бизни кузатинг — бу ерда бюрократия эмас, реал билим ва натижа бор.

Ўзгариш вақти келди.

МАНЗИЛ:👇
https://t.me/addlist/MwsLcnH1LQ5lMThi
https://t.me/addlist/MwsLcnH1LQ5lMThi

Пискент тумани ҳокимига янги Ўзбекистон хонларига бериладиган максимал жазо — ҳайфсан берилди
 
Тошкент вилояти ҳокимининг фармойиши билан Пискент тумани ҳокими Музаффар Ариповга интизомий жазо қўлланилди. Ҳужжатда туман ҳокими давлат хизматчисининг касб этикасини бузгани қайд этилган.
 
Аввалроқ Музаффар Арипов фермерларга ерини тортиб олишини айтиб, босим қилгани ижтимоий тармоқларда кенг муҳокамаларга сабаб бўлганди. Ҳоким уларга “ҳазиллашмасликни, ўйнашмасликни, ери нарида турсин, жонини суғуриб олишини” айтган.

🔥@fayzboguz

Тутунсиз келажак сари 16 миллиард долларлик трансформация

Замонавий дунёда ҳатто йирик компаниялар ҳам жамият талабларига, хусусан, соғлиқни сақлаш соҳасидаги эҳтиёжларга мослашишга мажбур. Тошкентда Technovation халқаро тадбири бўлиб ўтди. Уни «Philip Morris International» компанияси ташкил қилди. Унда вазирлик ва идоралар вакиллари, шифокорлар ҳамда олимлар келажак технологияларини муҳокама қилдилар.

Маълум бўлишича, РМI оддий сигареталардан тўлиқ воз кечиш йўлидан бориб, янги тутунсиз маҳсулотларни яратишга 16 млрд доллардан ортиқ маблағ йўналтирган. Ҳозирда компания даромадининг деярли ярми, яъни 41 фоизи айнан шу янги маҳсулотлар ҳисобига тўғри келяпти.

Конференцияда, Жаҳон савдо ташкилоти масалалари бўйича Президентнинг махсус вакили Азизбек Урунов, инвестициялар, саноат ва савдо вазири ўринбосари Акрам Алиев, шунингдек, шифокорлар иштирокида инновацион маҳсулотларни тўғри тартибга солиш уларни шунчаки тақиқлашдан кўра давлат ва истеъмолчилар учун кўпроқ фойда келтириши таъкидланди.

🔥@fayzboguz