Kompaniyamizda qisqarishlar bo‘ldi. Mahsulot boshqaruvi (Product Management) jamoasi ham qisqartirildi.

Men buni normal qabul qilaman, sababi kompaniya o‘zi bilib-bilmay ko‘p odam yig‘ib qo‘yadi. Qisqartirishlar – bu albatta xarajatlarni kamaytirish va jamoani kalibrovka qilish. Odam ko‘pligidan uchrashuvlar ko‘p, hamma xuddi qizg‘in ish ketayotgandek tutadi, lekin natija yo‘q, ortda esa 100 ta uchrashuv bo‘lgan.

Mana bu Comedy Club hangomasi hayotdan olingan https://youtu.be/EhtsPAdYOds?si=1GYKg7JihZVoPT1d

Kalibrovka deganda qoldirilgan xodimlarni komfort zonadan chiqarish, yangi mas’uliyat berib (challenge), ularni rivojlanish cho‘qqisiga yo‘naltirish tushunaman.

Kompaniyamizning Product jamoasida bitta o‘zim qoldim. Chief Product Officer ham, Head of Product ham, Product Owner ham o‘zimman. Oxirgi 2 oy shu holatda ishlayapman. Yoqyapti, yangi bilim va tajriba olyapman. O‘zimga 100% ishonaman – hammasini eplayman deb. Jamoamga rahmat qo‘llab-quvvatlayotgani uchun.

Bilasizmi, hozir bitta mas’uliyatlarimdan biri – CEO‘ning yangi g‘oyalarini chiroyli yo‘l bilan rad etish. Aks holda jamoa holdan to‘yadi. Hammaga dofamin sifatida ishga tushgan, o‘z ishini ommada ko‘rish hissini berish kerak. Yoki ularda savol paydo bo‘ladi, nimaga ishlayapman o‘zi deb. Pul xar doim ham motivatsiya bo‘lmasligi mumkin.

Ish juda ko‘p. Ko‘ramiz, nimalar bo‘ladi.

Kuningiz xayrli bo‘lsin.

P.S. Yaqin orada Product Manager (junior) uchun ish o‘rni ochilsa kerak. Aks holda o‘zim holdan chiqaman 😄

-------

@farkhod_com