Грамадская спілка «Беларуская супольнасць Украіны» накіравала ў Дзяржаўную міграцыйную службу Украіны заўвагі да праекта закона, апублікаванага 24 верасня 2026 года.

Мы падтрымліваем канцэпцыю законапраекта, але прапануем дапрацаваць яго ў частцы:

🔹 легалізацыі знаходжання беларусаў, якія не могуць абмяняць пашпарты;

🔹 атрымання часовага і пастаяннага відаў на жыхарства;

🔹 абароны правоў дзяцей і сем’яў грамадзян Украіны;

🔹 захавання прававых гарантый пасля спынення ваеннага становішча.

Для многіх беларусаў атрыманне новага пашпарта ў Беларусі немагчымае або небяспечнае. Таму неабходныя справядлівыя працэдуры, якія дазволяць абараніць правы людзей, што звязалі сваё жыццё з Украінай.

Выказваем шчырую падзяку нашаму прадстаўніку ў Львове — Яўгенію Гушчанкову, члену Рады адвакатаў Львоўскай вобласці, а таксама Радзе адвакатаў і ўсім юрыстам, якія ўдзельнічалі ў падрыхтоўцы дакумента.

Мы працягнем працаваць над заканадаўчымі рашэннямі, якія забяспечаць беларусам прававую пэўнасць ва Украіне.