"አርበኛን የሚያጀግን ባንዳን የሚፀየፍ ትውልድ ልንገነባ ይገባል"

- ፊልድ ማርሻል ብርሃኑ ጁላ
+++++++++++++++++

ጋዜጣ_ፕላስ | አርበኛን የሚያጀግንና ባንዳን የሚፀየፍ ትውልድ መገንባት እንደሚገባ የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ ተናገሩ።

ፊልድ ማርሻል ብርሃኑ ጁላ ይህንን የገለጹት 130ኛው የዓድዋ ድል በዓል “ከአኩሪ ታሪክ ወደ ብሩህ አድማስ” በሚል መሪ ቃል በመላው ኢትዮጵያ በድምቀት እየተከበረ በሚገኝበት ወቅት ነው።

በዓድዋ ዘመን ሀገርን በመካድ ለጠላት የተሰለፉ ባንዳዎች እንደነበሩ ሁሉ፣ ዛሬም የባንዳነት ርዝራዦች ከታሪካዊ ጠላቶች ጋር በመሰለፍ ብሔራዊ ጥቅምን ለመሸጥ እየሠሩ መሆኑን ጠቁመዋል።

"ገመናን ለመሸፈን ተብሎ እውነታው ካልተገለጠ ባንዳነት በአደባባይ ወጥቶ የአርበኛ ማኅበረሰብ ግንባታን አደጋ ላይ ይጥላል" ሲሉም አሳስበዋል።

መምህራንንና የሕክምና ባለሙያዎችን የሚያግቱ፣ ተማሪዎችን የሚገድሉና የልማት ፕሮጀክቶችን ለማፍረስ የተላኩ ኃይሎች ሀገርን ለማዳከም እየተረባረቡ መሆኑን ፊልድ ማርሻል ብርሃኑ ጁላ ጠቁመዋል።

"እኛ የአባቶቻችን ልጆች ነን" ያሉት ኢታማዦር ሹሙ፤ ታዝሎ የሚመጣውን የውጭ ጠላትና አዝሎ የሚመጣውን የሀገር ውስጥ ባንዳ በእኩል ደረጃ ተዋግቶ የሀገርን ሉዓላዊነት ለመጠበቅ ሠራዊቱ ዝግጁ መሆኑን አረጋግጠዋል።

በክብረአብ በላቸው
#ጋዜጣ_ፕላስ #ኢትዮጵያ #ዓድዋ #ሉዓላዊነት #ጀግንነት #ብርሃኑ_ጁላ #አርበኝነት #130ኛው_ዓድዋ