Самарқанддаги ЙТҲ икки кишининг умрига зомин бўлди

Самарқанд вилоятининг Пахтачи туманида Cobalt автомобили электроскутер билан тўқнашиб, икки киши ҳалок бўлди.

Ҳодиса 9 октябрь куни соат 13:00 атрофида Миркан маҳалласи ҳудудидаги автомобиль йўлининг 14-километрида содир бўлган.

Дастлабки маълумотларга кўра, ҳайдовчи йўлга тўсатдан чиққан велосипедчини айланиб ўтишга уринган ва бошқарувни йўқотиб, қарама-қарши йўналишда ҳаракатланаётган электроскутер билан тўқнашган.

Электроскутердаги йўловчилардан бири воқеа жойида, яна бири эса шифохонада вафот этган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram