🏰 Музей-маёнтак Бохвіцаў у Флер'янове

У вёсцы Флер'янова стаіць неагатычны палац з чырвонымі вежкамі. Гэта былая сядзіба роду Бохвіцаў, а сёння – музей.

Сядзібу пабудаваў Ян Бохвіц каля 1870 года і назваў у гонар бацькі Фларыяна. Пазней яго сын Тадэвуш з жонкай зрабілі тут летні пансіянат.
Тут гасцявала Эліза Ажэшка. Яна пасадзіла дуб, які расце дагэтуль – яму больш за сто гадоў.

У савецкія часы тут былі інтэрнат і кантора. Да 2012 года будынак ператварыўся ў руіны. Яго выкупілі Генрых і Ларыса Трацякі і сваімі сіламі пачалі аднаўленне. Генрых Міхайлавіч ужо памёр, а Ларыса Паўлаўна працягвае ўтрымліваць музей і праводзіць бясплатныя экскурсіі.

📍 Музей паноў Бохвіцаў, Флер'янова, Брэсцкая вобласць, Ляхавіцкі раён.

#ЦікавосткіБеларусі
———
Дзецікава – канал пра Берасце і берасцейцаў