📚
🔹#اؤلوکیتابلار

بیزیم ادبی چئوره‌میزده کیتاب ان چوخو، ساتیلدیغی ایلده گوندمده و گؤز قاباغیندا اولور. صحبت کیتاب ساتیش یئرلریندن یوخ، اوخوجونون کیتابا مراجعتیندن گئدیر.

ایل اؤتدوکدن سونرا، یازیلیب چاپ اولموش بیر کیتاب، آرتیق «اؤلو کیتاب» اولور. چاپ اولمامیش بیر کیتاب حالینا گله‌رک اوندان نه سؤز گئدیر، نه تبلیغ اولونور؛ نه ده اوخونولماسی حاقدا تپکی‌لر گؤستریلیر. بو مسئله‌ده بلکه چوخلاری «کیتابین» قیسا عؤمورلو مضمون و یارادیجیلیغینی نظره آلیرلار. بونو قولاق آردینا وورمورام. آنجاق مسئله بوندا دئییل.

مسئله اودورکی، خبرسیز قالان اوخوجو، ماراقسیز اوخوجو معناسینی داشییر. اونوتقانلیقدان صحبت گئتمیر. چونکی هر بیر پروفسیونال اوخوجونون یادداشی، قارامات بئیین دئییل.
بیر کیتابدان تأثیر آلمیش اوخوجونون یادداشیندان او کیتابی هله‌م‌-‌هله‌م سیلمک اولماز.

بس نه‌دیر بیزده مسئله؟
مسئله لاقئیدلیکدیر. کیتابلاریمیزا اولان تپکی‌لر، ساده‌جه رئکلام و تبلیغات حددینده‌دیر. رئکلام حددینده یاناشیلان کیتاب، گوندمدن چیخدیقدان درحال سونرا اونودولاجاقدیر.
رئکلاملار چرچیوه‌سینده دونوب قالان ادبیاتیمیز وار بیزیم. چوخ زامان کیتابلاری پایلاشارکن حتتا رئکلام اوچون بیر جومله یازماغا دا آغرینانلار وار. بو دا، یاخین زاماندا کیتابین اؤلمه‌سینه سبب اولور. کیتابی اوخودوقدان سونرا حاققیندا ان آزیندان بیر پاراگرافلیق دوشونجه یورودولرسه، کیتاب دا دونموش حالدان چیخیب جریاندا قالار.
.
✍️ #همت‌شهبازی
📒 #یادداشلار
📚 #کیتاب
🦜🦜
https://t.me/dusharge1
☘️