لویی آلتوسئر
دولتین‌ایدئولوژیک‌آپاراتلاری

آلتوسئر بو اثرینده ادبیات و مدنیتی دولتین ایدئولوژی آپاراتلاری (دستگاه) باغلامیندا آنالیز ائدیر. مارکسیستلر دئییردی‌: دولت زور واسطه‌سینه دایانان آپاراتلار توپلوسودور:
پولیس، اوردو، محکمه‌لر، دوستاق‌خانالار، حکومت و اداره‌ائتمه سیستئمی.
بورادا زورلاما اساس مئکانیزم‌دیر. بیرباشا فیزیکی (پولیس، اوردو) و دولایی بوروکراتیک (انضباطی) سیستئم حاکیمدیر.

آلتوسئر ایسه، دولتی ایکی‌قات قورولوش کیمی گؤستریر:

1.باسقیچی دولت آپاراتی
2.ایدئولوژی دولت آپاراتلاری

آلتوسئر، نئومارکسیست‌دیر. اونون نظرینده، دولت تکجه سلاح، دوستاق‌خانا، پولیس ایله یاشامیر. توپلومون داوام ائتمه‌سی اوچون دولت ایدئولوژی واسطه‌سی ایله ده ایشله‌ییر. اونون یاناشماسینا گؤره تحصیل اوجاقلاری، ادبیات اوجاقلاری، کلیسا و مدنی قوروملار فردلری معین ایدئولوژی سیستئمه اویغون یئتیشدیریر. ادبیات (و ادبیاتا باغلی اولان ادبیات نظریه‌سی ده) بو آپاراتین بیر بؤلومو کیمی اوخوجونون معین دیرلری قبول ائتمه‌سینه تأثیر ائدیر، انسانلیق، فردیت و اخلاقی نورما کیمی آنلاییشلاری مشروعلاشدیریر.

#همت‌شهبازی
#کیتاب

https://t.me/dusharge1