فاکنئر و تنقیدچی‌لر
🪑
نوبئل یازاری #ویلیام‌فاکنئر، تنقیدچی‌لری خوشلامیردی. عمومیتله باشقالاری‌نین دئدیینه اؤنم وئرمیردی. او، یالنیز نظرینه اؤنملی گلن اوریژینال اثرلری اوخویوردو. شخصی یاشاییشیندا، پست اداره‌سینده ایشله‌یرکن، مکتوبلاری نظاما سالماغا حوصله‌سی داریخان فاکنئری، بیریسی‌نین شکایتی نتیجه‌سینده ایشدن چیخاریرلار.
نه ائدیرمیش؟
او، پست اداره‌سینده تئز-تئز دوروب-اوتورارکن مطالعه‌سی‌نین آردی کسیلدییی اوچون مکتوبلاری اداره‌نین آرخا طرفینده ایت-باسدیر ائدیرمیش.
ماراقلی اولان بودورکی مشهور اولاندان سونرا دا اونا گلن مکتوبلاری آچیب اوخومورموش. بونو، اؤلوموندن سونرا آغزی باغلی تاپیلان مکتوبلار گؤستریردی. ناشیرلردن گلن مکتوبلاری آزاجیق آچیرمیش. ایچینده تألیف حاققینی گؤسترن پول و یا چئک اولسایدی مکتوبون بوتونونو آچارمیش. بئله اولماسایدی بوکوب قویارمیش کنارا.
.
#تنقیدچی طرفیندن اثری حاقدا ایره‌لی سورولن دوشونجه‌لری اؤنمسیز بیلیردی. اونون اوخوجولاری طرفیندن اثرلرینه گؤره یازیلان مکتوبلارین اوخونولماماسی دا اونو گؤستریردی کی او، یالنیز اؤزو بیلدییی ایشه اینانیردی.
.
✍️ همت شهبازی
📖 #یادداشلار
☘️
https://t.me/dusharge1
Post #26
366
- 👍 4
- ❤ 3
- 👏 1