هانا آرئنت-ین دئوریم فلسفه‌سی
آلمان فیلوسوفو #هانا‌آرئنت "دئوریم" (انقلاب) اثرینده ۲۰۰ ایلین ایچینده اورتایا گلن دئوریملرین هئچ بیریسینی دئوریم حساب ائتمیر. او، یالنیز آمئریکا دئوریمینی، دئوریم حساب ائده‌‌رک یازیرکی، دونیانین بوتون دئوریملری فرانسا دئوریمیندن تأثیر آلاراق اونو اؤزلرینه اؤرنک گؤتوردوکلری اوچون اوغورسوز اولموشلار.
او، آمئریکا دئوریمینی اونا گؤره اوغورلو حساب ائدیرکی، اورادا دئوریم اؤنجه‌‌سی، نه شاه رئژیمی، نه توتالیتار حکومت، نه کومونیست حاکمیت، نه ده باشقا هر هانسی بیر سیاسی سیستئم حاکم دئییلدی. اونلار یالنیز انگیلتره سومورگه‌چیلییندن (مستملکه‌چیلییندن) یاخا قورتارماق ایسته‌ییردیلر.
سومورگه‌چیلیک علیهینه عصیان ائد‌ن ملت اوغورلو ملت اولور.
آمئریکانین دئوریمچی انسانلاری، دئوریمین اوغورلو اولماسی اوچون "عمومی راضیلاشما" (قرارداد عمومی) اوزره دایاندیلار. آرالاریندا اولان دوشونجه، ذؤوق و سلیقه آیریلیقلارینی دایانیشما و همرأی‌لییه چئویرمه‌یی باجاردیلار. یعنی اونلار دئوریمدن اؤنجه "آنا یاسا"لاری اوزره راضیلاشما الده ائتمیشدیلر. حال بو کی، فرانسا دئوریمی و اوندان تأثیرله‌نن بوتون دئوریملر هر نه‌یی چئویریب دئویردیکدن سونرا آنا یاسانی یازماغا باشلادیلار. بو دئوریملر موقتی قورتولوش حساب ائدیلیر. فرانسا دئوریمی‌نین اؤزو حیاتا کئچدیکدن درحال سونرا (ظن ائدیرم فرانسا دئوریمچی آدامی روبئسپیر'ین سؤزودور)
"دئوریم اؤز اؤولادینی اؤلدورور".
اونا گؤره‌کی دئوریمچی‌لر موقتی و اؤتری راضیلاشما الده ائتمیشدیلر: "هله حاکمیتی دئویره‌ک! سونراسینا تانری قادیردیر"- ایفاده‌‌سینی خاطیرلادان بو دئوریملر ییخدیغی سیاسی رئژیملرین یئرینه اوخشارینی دیکلتدیلر.
✍️ همت شهبازی
🪴 #فلسفه
.
https://t.me/dusharge1