مارتی میخاناسی
.
مشروطه دؤورونده، تبریزده چیخان آذربایجان روزنامه‌سی‌نین تورکجه بیر یازیسیندا، بوگون ایشلتدییمیز «ماتی میخاناسی» سؤزو، «مارتی میخانه‌سی» کیمی ایشله‌نیلمیش.
جومله بئله‌دی:
«آخر بو قلمدی شوخلوخ دگول
بو وطن‌دور مارتی میخانه‌سی دگول»
(آذربایجان روزنامه‌سی،
۱۹۰۶ (۱۳۲۵ ه.ق)، نؤمره ۲، ص۳۱)
عبدالحسین ناهیدی‌آذر طرفیندن چاپ ائدیلمیش.
بعضی‌لری او جومله‌دن حؤرمتلی عالیم #دکترارشدنظری بو کلمه‌نین «فاطی» اولماسینی و بو گون ده هم تورکیه‌ده هم آذربایجاندا ائله فاطی کیمی ایشلندیینی وورغولاییر.
«مارتی» دنیز قوشو، قاغایی دئمکدیر.
بعضی‌لری ماتی میخاناسینی مکان اولاراق وورغولاییرلار. بو سؤزون روزنامه‌ده ایشلندییی جومله‌نین مفهوموندان باشا دوشولور کی «مارتی میخاناسی» گویا دنیز ساحیلینده بوش، بئکار، سرمست شرایطده سربست انسانلارین سیغیندیغی یئر ایمیش و چوخ گومان کی تورکیه‌ده ایشلکده اولارکن آذربایجانلی‌لار طرفیندن ده ایشلنمه‌یه باشلانمیش.
باشقا سؤزله «مارتی میخاناسی»دان:
آزادلیق، تنهالیق، مالیخولیا، سوکوت و سرخوشلوق هاواسی داشییان بیر مکان آنلاشیلیر.
.
✍همت شهبازی
☘
https://t.me/dusharge1