⬛
باشقا دیلده اوخوماق، ساواد قازانماق دئییل
📌 بوتون انسانلار ایشیقلی دونیادا، اؤزونون باشا دوشدویو دیلده تحصیل آلاراق جاهیل‌لییی کنارا آتان حالدا، بیز تورک انسانلاری، فارس دیلی حاکمیتی یانیندا بیلمه‌دییمیز دیلده جاهیل‌لییی اؤیره‌نمه‌یه مجبور قالمیشیق.
باشقا دیلده اوخوماق، ساواد قازانماق دئییل، جاهیل‌لیک الده ائتمکدیر. بو، بیزی اؤز کؤکوموزدن اوزاقلاشدیرماق مقصدی گود‌ن بؤیوک بیر سیستئمین قورما دوشونجه‌سی‌دیر. بیز کؤکوموزدن قورویوروق، قورویان آغاجلار کیمی. قورویاندان سونرا بیزی هامی حتتا حاکمیت ده بوراخیر. چونکی قورویان آغاجا بیر چیرتما وورماقلا آشاجاقدیر. قورویان کؤک‌لریمیزین کناریندا بیزی، بیزدن ائدن، کؤکوموزه بنزه‌مه‌ین، اؤزلرینه بهره وئرن یاش بوداقلار اَکیرلر. بونلار دا ائله بیزدن‌دیر. آنجاق قورویان کؤکلرین یانیندا بؤیوین یاد کؤکلر بیزه یئنی قوروملار اوزرینده فورمالاشماغی اؤیره‌دیر.
مدرسه لر آچیٛلدیٛ
آمما منه دئدیلر:
-قوْی دیلین قالسیٛن ائوده
دیلسیز قالا-قالا گل
یا اوْنۇ تۆپۆر گئتسین
آغزیٛنیٛ یاخالا گل... (نادر الهی)
.
✍️ همت شهبازی
🔰
https://t.me/dusharge1
Post #125
437
- ❤ 9
- 👌 5
- 👍 3
- 🥰 1