☂️
یازیچی‌لیق جاذبه‌‌لی‌دیر، یوخسا تنقیدچیلیک؟
شریف مردی «قلمه‌قوزان» رومانیندا اؤزونو تنقیدچی کیمی گؤسترمه‌یه مئیل‌لی اولدوقدا، اونون تنقیدچیلیین جاذبه‌‌لی اولماسینی وورغولاییر. رولان بارت کیمی چاغداش نظریه‌چیلر تنقیدی بیر متن کیمی جاذبه‌‌لی محصولا چئویره‌رک گؤستردیلر کی، تنقید اونلار اوچون جاذبه‌‌لی‌دیر. تنقیدی یازارکن لذت‌وئریجی بیر متنی دوشونوردولر. اونلارین یازدیغی تنقیدی متنلر ان ائروتیک لذتین دادینی وئریردی.
بعضیلری «قلمه‌قوزان» کیمی اثرلری تاریخ و نظریه‌نین حکایه‌ده سیغینماسی کیمی دیرلندیریرلر. تنقیدی بدیعی بیر متن کیمی گؤسترمک اوچون تحکیه‌وی اوسلوب ان الوئریشلی اوسلوبدور. تنقیدچی اؤز نظری مسئله‌لرینی بدیعی متنده اورتایا قویاراق، مفهوملاری عکس ائتدیرن یازارا چئوریلیر. رولان بارت-دان یاردیم آلاراق تنقیدی متنین ایچینه یووارلاماقلا، نظریه ده گئنیش یاییلیر. بوندان بئله چیخیر کی، شریف مردی‌نین تنقیدچی‌لییه اؤنم وئرمه‌سی سؤز موضوعسو دئییل. چونکی بدیعی متن هله ده اؤز جاذبه‌‌سینی ایتیرمه‌دییی اوچون تنقیدچی‌نین ماراغینی قازانیر. دئمه‌لی، حکایه و متن جاذبه‌‌لی اولدوغو اوچون تنقید ده اؤزونو اوخوجویا گؤسترمک اوچون بدیعی متنده سیغینیر.
بئله‌لیکله، دئمک اولار کی، یازیچی‌لیق هله ده اؤز جاذبه‌‌سینی ایتیرمه‌ییبدیر. بدیعی متن اؤزو تنقید و یوزوم تؤره‌دیر. تنقید اؤزونون نظری حیصه‌لرینی حکایه‌نین تئکنیکی اشاره‌لرینین ایچیندن چیخاریر. بدیعی متن تنقیدی اؤزونده ایضاح ائتدیکده اؤزو هئچ بیر شئی الده ائده بیلمیر.
«قلمه‌قوزان» رومانی‌نین اؤزللیکلریندن بیری ده اوندا اولان «تألیف/تدقیق» خصوصیتی‌دیر. یازیچی قصداً حکایه ایچینده اونا تدقیقی قاتقیلار قاتیر. بونونلا او، خیاللا گئرچه‌یین سرحدلرینی پوزور. اثری تاریخی و نظری بیر تقلید واسطه‌سی ساندیغیمیز حالدا، حکایه اورتایا کئچه‌رک فانتاستیک یؤنلرینی گوجلندیریر.
✍️همت شهبازی
🔷#تنقید
https://telegram.me/dusharge1
☘️
Post #119
828
dusharge1 | همت شهبازی 📚 قلمه‌قوزان (رومان) ✍️ شریف مردی 🔰 اورمیه، بوتانشر ۱۳۹۵ 🦜 @dusharge1 ☘️ 👇👇Telegram dusharge1 | همت شهبازی @dusharge1 کانالدا کی یازی‌لاری کانالین لینکینی وئرمک شرطی ایله پایلاشماق اولار
- ❤ 6