So‘zlarimiz etimologiyasini bilasizmi❓
YAG‘IR ‘ish hayvonida yukdan ezilishi oqibatida paydo bo‘ladigan yiringli yara’.
Yoli quyuq eshakdan yаg‘ir bo‘lgan ot yashi (Maqol).
Bu so‘z qadimgi turkiy tilda mavjud bo‘lib, ‘o‘y’, ‘chuqurcha hosil qil-’ ma’nosini anglatgan yag‘- fe’lining -(i)r qo‘shimchasi bilan hosil qilingan sifatdosh shakli bo‘lsa kerak. O‘zbek tilida a unlisi ä unlisiga almashgan, ы unlisining qattiqlik belgisi yo‘qolgan. Sifatlanmishsiz ishlatilishi natijasida bu so‘z belgi ma’nosini anglatishdan narsa ma’nosini anglatishga ko‘chgan: yag‘ir joy → yag‘ir.
YAG‘RIN ‘tananing kurak suyaklari joylashgan qismi’.
Kun qiziq. Oftob yag‘rindan urib turibdi (G‘afur G‘ulom).
Bu ot qadimgi turkiy tildagi ‘ajrat-’ ma’nosini anglatuvchi yar- fe’lining -in qo‘shimchasi qo‘shilishi bilan yasalgan. Keyinchalik r g‘ undoshlari o‘rin almashgan. O‘zbek tilida a unlisi ä unlisiga almashgan, ы unlisining qattiqlik belgisi yo‘qolgan.
🛡 Ma'lumotlar Sh.Rahmatullayevning "O'zbek tilining etimologik lug'ati" dan olindi.
🌎Bizning manzillar:
🌐Veb-sahifa |✈️Telegram |™️ Facebook | 📺Youtube