⚖️ Giyohvandlikka qarshi kurash: huquqiy targ‘ibot va amaliy mashg‘ulot

▶️ Denov tadbirkorlik va pedagogika instituti Tadbirkorlik va boshqaruv fakulteti hamda Denov tuman jinoyat sudi hamkorligida “Narkotik moddalarning yoshlar orasida tarqalishiga qarshi kurashish” keng qamrovli tezkor-profilaktik oyligi doirasida davra suhbati tashkil etildi.

🔹 Tadbirda sud raisi I. Abrayev, prokuror katta yordamchisi U. Xudoyqulov, sudya yordamchisi I. Rasulov hamda advokat Sh. Ortiqov ishtirok etib, giyohvandlikning salbiy oqibatlari, uning oldini olish choralari va narkotik moddalar bilan bog‘liq jinoyatlar uchun belgilangan javobgarlik haqida talabalarga tushuntirish berdi.

⚖️ Tadbir yakunida talabalar ishtirokida sayyor sud majlisi tashkil etildi. Ushbu amaliy mashg‘ulot yoshlarning huquqiy ongi va madaniyatini yuksaltirish, qonunlarga hurmat hamda giyohvandlikka qarshi qat’iy immunitetni shakllantirishga xizmat qildi.

🖌 DTPI Matbuot xizmati