Denov tadbirkorlik va pedagogika instituti Pedagogika fakultetida O‘zbekiston hamda Tojikiston shoirlari ishtirokida ijodiy uchrashuv tashkil etildi.

Mazkur uchrashuvdan ko‘zlangan asosiy maqsad talaba-yoshlarning adabiyotga bo‘lgan qiziqishini oshirish, ularning ma’naviy dunyoqarashini kengaytirish, she’riyatga mehrini yuksaltirish hamda ikki xalq o‘rtasidagi do‘stlik va madaniy aloqalarni mustahkamlashdan iborat.

Uchrashuv davomida shoirlar o‘z ijodiy faoliyatlari, she’riyatning inson hayotidagi o‘rni va adabiyotning ma’naviy tarbiyadagi ahamiyati haqida fikr-mulohazalar bildirdilar. Shuningdek, o‘zbek va tojik xalqlarining mushtarak adabiy merosi, milliy qadriyatlari va do‘stlik rishtalari xususida so‘z yuritildi.

Samimiy va ko‘tarinki ruhda o‘tgan ijodiy muloqot talaba-yoshlarda katta taassurot qoldirdi.

Uchrashuv ishtirokchilari shoirlar bilan fikr almashib, o‘zlarini qiziqtirgan savollarga javob oldilar.

Bunday ma’naviy-ma’rifiy uchrashuvlar yosh avlodni milliy va umuminsoniy qadriyatlar ruhida tarbiyalash, adabiyot va san’atga bo‘lgan qiziqishini yanada oshirishga xizmat qiladi.

Denov tadbirkorlik va pedagogika instituti matbuot xizmati 👇
Telegram|Facebook|Website|Youtubе