⚽️ 5 MUHIM TASHABBUS DOIRASIDA FUTBOL MUSOBAQASI TASHKIL ETILDI
Denov tadbirkorlik va pedagogika instituti Pedagogika fakultetining 3- va 4-sonli talabalar turar joylarida istiqomat qiluvchi talabalar o‘rtasida 5 ta muhim tashabbus ijrosini ta’minlash hamda yoshlar o‘rtasida sog‘lom turmush tarzini targ‘ib qilish maqsadida futbol musobaqasi tashkil etildi.
Musobaqa davomida talabalar o‘zlarining sport mahorati, chaqqonligi va jamoaviy hamkorlik ko‘nikmalarini namoyon etdilar. Qizg‘in va murosasiz kechgan bahslar ishtirokchilarga ko‘tarinki kayfiyat bag‘ishlab, ular o‘rtasida do‘stlik va hamjihatlikni mustahkamlashga xizmat qildi.
Mazkur sport tadbiridan ko‘zlangan asosiy maqsad — talaba-yoshlarning bo‘sh vaqtini mazmunli tashkil etish, ularni sportga keng jalb qilish, jismoniy faolligini oshirish hamda sog‘lom turmush tarzini shakllantirishdan iborat.
Sport — salomatlik garovi, birlik va do‘stlik timsoli!