"Centrum Air" kompaniyasi uchun ikkiyuzlamachilik qilish naqadar yarashadi?

Kuni kecha bort kuzatuvchisidan ko‘p emas, shunchaki atiga o‘zbek tilida so‘zlashni so‘ragani uchun MIJOZ deb atalmish kompaniyalarning buyuk bir kishisini samolyotidan haydab yuborgan, shundan keyin o‘z kanalida u odamga nisbatan do‘q-po‘pisalar bilan ichki ishlarga berish bilan tahdidodana postlar yozgan, otdan tushsa ham egardan tushmagan butun boshli kompaniya, o‘zbek tilini hurmat qilmagan kompaniyaga nisbatan barcha tarmoqlarda boykot eʼlon qilinishlarni ko‘rib, gap ohangini o‘zgartiribdi.

"Centrum Air" aviakompaniyasining birinchi o‘rinbosari, deb keltirilgan Maʼmur Mamadaliyev degan masʼul o‘z sahifasi orqali bort kuzatuvchisi nohaqligini, yo‘lovchiga kompensatsiya to‘lab berishni maʼlum qilib izoh yozibdi.
Lekin, haliyam o‘zini samolyotida osmonda uchib yuribdi, deb bilgan kompaniya o‘z kanalida bu haqda rasmiy izoh yozmagan, uzr so‘ramagan, bu mijozga kompensatsiya to‘lashini, bort kuzatuvchisi xato qilganini yozib chiqmagan.

Nafaqat o‘zbek tiliga, balki butun O‘zbekiston mijozlariga panja ortidan qaraydigan har qanday kompaniyani mijoz hisoblanmish biz xalq mana shunday yerga tushirib, o‘zbek tiliga hurmatni o‘rgatib qo‘yishimiz, bir-birimizni qo‘llab-quvvatlashimiz kerak. Bu keys boshqa kompaniyalarga ham achchiq va uzoq esda qoladigan dars bo‘lsin. O‘sha vatandoshimiz endiyam ortga chekinmasligini, maʼnaviy zararni otni kallasidek undirishini tilaymiz.

@domlajon
t.me/domlajon