​#dissidentby

🔥 Сёння мы рады паведаміць пра запуск інфармацыйнай кампаніі "Пакуль усе не будуць вольныя"!

👉На сённяшні дзень, калі свет спрабуе справіцца з усведамленнем вайны ў Еўропе, а таксама яшчэ не ўсвядоміў да канца трагедыю землятрусу ў Турцыі, людзі часткова забыліся на палітвязняў у нашай краіне. На вялікі жаль, працэс барацьбы з дыктатурай Беларусі не атрымаўся хуткім. Замест чаканага пасля падзей 20-га года спрынту мы атрымалі доўгі крос, з вялікай колькасцю перашкод і падводных камянёў.

❤️На гэтым працяглым шляху мы, неабыякавыя і салідарныя,- адзіныя, хто можа быць голасам ізаляваных ад грамадства людзей.Эфектыўная падтрымка чалавека ў зняволенні не можа быць разавай.Толькі рэгулярнае ўключэнне палітычных актараў, апазіцыйных лідэраў, сусветнай супольнасці і дыяспар, а таксама жыхароў/ак краіны можа гарантаваць захаванне фізічнага і псіхалагічнага здароўя дысідэнтаў і іх блізкіх.

🙌 Вядомыя беларусы і беларускі стануць Апекунамі для нашых палітвязняў і будуць распавядаць пра сваіх падапечных усяму свету, а мы - вам пра іх дзеянні!

⚡️Пачынаем ад сёння і ўжо пазнаемім вас праз некалькі гадзін з першай Апекункай ;)